Avaebulaniya 9:11 - Lufingano Lupya

¹¹ Neke Kilisito yeafisile, iva Mutambisi Muvina va ing'ani inofu, se kulino yesifikite, umwene ipigila pihema ilinofu na ilikwilaniche hilo, lyesiwuyape na amawoko ga vanu, kwekutigila ilyo silya mung'i umu umwagafilwe.

Avaebulaniya 9:11 Referans Kwoze

2 Avakolindo 5:1

Pakuva ikitinga chetu chetukwikala mung'i, chanangitwe, twinayo ikaye iyihuma kwa Nguluvi, yesinzenge kwa mawoko, iya mbepali kuchanya.

Avaebulaniya 10:1

Pakuva indagilo siva mwigigi gwa ifinu ifinofu ifikusa lwihwano ulwa ifya nachene, siluhwaniti ukukola inambika sisila isitawulwagwa mbepali mwa na mwaka sivanoose vave vakwilaniche avihelela pifunyo.

Maliko 14:58

“Twamupulike Umunu uyu itigila, ‘Ndenya itembeli iyasenzilwe na amawoko ga avanu, na mu filo fidatu nzenga iyingi yesinzenge na amawoko.’”

1 Yohane 5:20

Tukulukagula kangi ukuta Umwana va Nguluvi akasile, ukutupela uwukagusi sambi tumukagule Nguluvi uva nachene; twikale mu uwulilumwi na Nguluvi uva nachene mukuhanga na Umwanakwe, Yesu Kilisito. Uyu ye Nguluvi uva nachene, na uwu we wumi uwutasila.

Avaebulaniya 2:17

Nambi lwelwene lwelwamuvaje ave ndawe vanyalukolo vakwe mwa mbesili, sambi ave Mutambisi Umuvina vawo umuhuvilwa na munyalusungu mukumupigila Nguluvi, nukuhesa inzanangifu sa avanu.

Ifipigo 7:48

“Neke nambi ndahihyo, Nguluvi Umunyandolo siakwikala mukaye inzenge na amawoko ga avanu, ndawe lweilonga umuvisi:

2 Yohane 1:7

Avasangavanu wolofu vakelelwike mung'i, avanu vesivakwidikila ukuta Yesu Kilisito akasile ukwetu, mu muvili gwa umunu. Umunu yeilonga ulo uyo musanga vanu na mutavangu va Kilisito.

Avaebulaniya 3:1

Vanyalukolo vangu, nye vanu va Nguluvi yemuvakemele na Nguluvi kuchanya, mwihose ulwa Yesu ye Nguluvi amutumite ave Mutambisi Muvina va ulufuuwo lwetukulwindika.

Yohane 4:25

Umung'inetu swe akumulongela, “Ngulukagula ulwa akusa Mesiya yeitambulwa Kilisito nave peasile umwene atulagila ing'ani mbesili.”

Yohane 1:14

Nave Lukani ave munu swe akwikala kwa hwehwe amemile uwuwuya na uwanachene, nahwe swe tukuwuwona uwunyandolo wakwe, uwunyandolo ndawe wa Umwana yeiyena yeihuma kwa Dada.

Avaebulaniya 7:1

Melekisedeki e Mutwa va ku Salemu, na mutambisi va Nguluvi umuvina. Abulahamu peapilukige ihuma kwigalu kwe avawulige avatwa, Melekisedeki atang'ine nave, swe akumufunyilila,

Avaebulaniya 4:15

Pakuva sitwinave Umuvina yesi awuseele hilo uwuhomefu wetu, yumwene agelitwe ndawe hwehwe munzolofu na saapigiti nzanangifu.

Avakolosayi 2:11

Mukuhanga na Kilisito nyenye mwawolitwe, neke si kwa ukuwolwa ukwiwuyapagwa na avanu, pesi kula ukwiwuyapagwa na Kilisito umwene, na ukuwolwa kula kwekwidonyaga ukukombolwa ukuhuma muwunu wunyanzanangifu.

Matayo 11:3

Ndawe vatigilige kulumwene, “Veve ye mwene ye akusa apangi tusindilage yungi?”

Matayo 2:6

‘Nayuveve ve Betelehemu mung'i ya mu Yudaya, siwimudodo nda muvatambule va mu Yudaya; pakuva ukuhuma kwa veve awoneka Mutwa yeavakwamila avanu vangu Isilaeli.’”

2 Avakolindo 4:18

Palulo twilavisa si wita ifinu fyefiwoneka, pesi fila fyesifiwoneka. Pakuva fyefiwoneka ifyo fya lusika ludodo hela; neke fila fyesifiwoneka ifyo fya uwutasila.

Avaebulaniya 12:27

Ulukani ulu: “Kangi.” lukutulagila ulwa ukufihesa ifinu mbefili ifigave, ifidengadenga, mwafila ifyagafilwe, sambi fisigale fila fyesifihwaniti ukudengadenga.

Avaebulaniya 13:14

Pakuva umu mung'i twivagaya iboma iyinanaga mbepali; neke lino petuguluma yila iboma iyikusa.