Avaebulaniya 6:4 - Lufingano Lupya

⁴ Pakuva avanu vevakululeka ulufuuwo lwawo lwiima ndawuli kangi ukuvapilula sambi vahongese kangi? Avanu iwo yeve vinje mulung'ali lwa Nguluvi, yevevagesise ikipelwa cha kuchanya na ukupelwa Umuhe Umwelu;

Avaebulaniya 6:4 Referans Kwoze

Matayo 5:13

“Nyenye mwindawe umwino mung'i! Neke umwino peguhupite kusopwa kiki sambi gunone kangi? Guva sipe mwino nda gwakutaga hela, sambi gulivatwe na avanu.”

Yohane 15:6

Umunu yesiakwikala mugati mwa nene aitagwa kwivala ndawe ilitagala nu kukala. Ilitagala ilyo avanu vavikong'asa nu kusopa mumoto lipye.

Avaefeso 2:8

Pakuva, kwa uwuwuya wa Nguluvi nyenye ye mukomboliwe ukwimila ulufuuwo. Ulukani ulu silwihumagi muwupifu wenyu, pesi ukuta icho kipelwa cha Nguluvi.

Yohane 3:27

Neke Yohane avapitule atigile, “Sahwaniti munu ukwanukila kinu pesiapelitwi na Nguluvi.”

Avaebulaniya 10:32

Mwiwukage sesawonike ifilo fila ifya pamwandi pemwang'alikilwe ulung'ali lwa Nguluvi. Nambi ifilo ifyo mwatesike pakomi munzolofu.

Matayo 12:45

pepene pelyalipiluka neke likalete amayagwe gimufung'ati amabi hilo ukulutila ilyene, neke pegingile gikale mumo; na umunu yula akwanangika pakomi ukulutila umutalo. Ulu lwe salulava ku mbegalo iyi.”

Avagalatiya 3:2

Lino ndisaka mundongele nene lukani lumwi. Mwanuche Umuhe va Nguluvi ukukola ifipigo fya indagilo apangi ukukola ukupulika mulufuuwo?

2 Timoti 2:25

yula ye iva we mulele peikenyela avanyalubesa kulumwene, apangi luhwanite Nguluvi avapele ikilega cha ukuhongesa na ukupela, sambi vayikagule inachene.

1 Yohane 5:16

Wone umunu amuwone umunyalukolo vakwe apigite inzanangifu yesiyikumusindika kufwa, lumuvaje amusukile kwa Nguluvi, nave Nguluvi amupela uwumi. Ukwimila inzanangifu yesiyivaji ifwa. Poyili inzanangifu iyivaje ifwa, sinditigila ukuta luvavaje ukumusuka Nguluvi ukwimila yiyo.

Avaebulaniya 2:4

Lwindahihyo Nguluvi atuwilye uwolelesi wakwe, kwa ukukola ifipigo ifilipolofu fya imiitu na uwuhulo, na ukuvagavila avanu ifipelwa fya Umuhe Umwelu ndawe mweawendelige.

1 Timoti 4:14

Ulabedala ikipelwa chewinacho veve chewapelitwe ukwimila ing'ani isa avavisi na pewavikiligwe amawoko na avavaha.

Ifipigo 11:17

Sweno, wone Nguluvi avapelye nawo avanu avamyanza ikipelwa kikila cheatupelye hwehwe peyetumufuuvitwe Umutwa Yesu Kilisito, mbi nene ndendinani yendendimubesa Nguluvi?”

Avaefeso 4:7

Yeyeavesaga munu mwa hwehwe mupele uwuwuya, mwekigelye ikigelo chapelitwe na Kilisito.

Avaefeso 3:7

Nane ndawuyipwe mbe mukami va Ulukani Ulunofu ukwimila uwuwuya wakwe Nguluvi uwuliyena, weamelye muludali lwakwe ulukomi.

Ifipigo 10:45

Vala Avayudaya na avevafuuvitwe vevevasile pamwinga na Petulo ukuhuma ku Yopa vasasave pakuva Nguluvi avapelye ikipelwa cha Umuhe Umwelu vala avamyanza nawo;

Ifipigo 8:20

Neke Petulo amupitule, “Yagilage kutali veve na amagobole gako pakuva wihosa ulwa uhwanite ukugula ikipelwa cha Nguluvi na amagobole!

Yohane 6:32

Yesu neke peavalongele, “Nachene nguvalongela nyenye. Si Musa nda yeavapelye umukate gula gwa kuchanya, Dada vangu yakuvapela nyenye umukate ugwa nachene ugwihuma kuchanya.

Avagalatiya 3:5

Ngali Nguluvi akuvapela Umuhe na ukupiga imiitu ati pakuva mwikwisa imbage na indagilo, ngali apangi pakuva mukapulike Ulukani Ulunofu na ukufuuwa?

Ifipigo 15:8

Nave Nguluvi yeasisele inumbula sa avanu, akangise ukutigila avidiche pakuvapela Umuhe Umwelu ndawe lweatupelye hwehwe.

Yohane 4:10

Yesu swe akumulongela, “Nda uke uve ukulukagula ikipelwa cha Nguluvi nave ye nani yakukulongela: ‘Mele ululenga nywe,’ uke ukumusuka umwene na ake akupela ululenga ulunya wumi.”

2 Timoti 4:14

Yula umuponzi va isaba yeitambulwa Alekisanda akamije nzolofu imbi, Umutwa saamupulikisa ukuling'ana na ifipigo fyakwe fyeapigite.

Avalumi 1:11

Pakuva ndidoboka hilo ndivawone nyenye sambi ndivagavile ikipelwa cha Umuhe nu kuvakangasa nyenye.

2 Avakolindo 4:4

Lino iwo sivifuuwa pakuva yula nguluvi va mung'i avapufise uluhala lwawo sambi valemwe ukuluwona ulung'ali lwa Ulukani Ulunofu lwa indolo sa Kilisito, yula ye lwihwano lwa Nguluvi.

2 Avakolindo 4:6

Nguluvi yagafile itigila, “Ulung'ali lung'alikage uluhuma mulwisa,” yeyula yeing'alika inumbula setu, nu kutupela ulung'ali lwa ukusikagula ing'ani isa indolo sa Nguluvi sesikutung'alikila uluhuma muwusu wa Kilisito.

Avaefeso 1:18

sambi mugine ukumukagula hilo munumbula senyu ulwa uluhuvi lweavakemelelye mu wunono na indolo ingomi iya ililila lyeavaviche avanu avelu vakwe,