Avaebulaniya 4:11 - Lufingano Lupya

¹¹ Sweno, tukangalage ukwingila mulusuupo ulo, sambi alemwe ukuva pwali munu mwahwehwe yeigwa mukufuuwa.

Avaebulaniya 4:11 Referans Kwoze

Avaebulaniya 3:18

Nguluvi ave akwilapa atigile, “Sisavingila apangu pawusuupo.” Avalongige vanani? Avalongige vavala avevapitwike.

Luka 13:24

Swe akuvalongela, “Mkangalage pakwingila mu mulyango umufinyu; pakuva nguvalongela wolofu savasaka ukwingila neke valemwe.”

Avaebulaniya 6:11

Lwetwidoboka hwehwe lwe ulu ukuta yeyeavesaga munu mwa nyenye avelage mupifu ndahihyo mbaka ku mudugo, sambi semukwihuvila sikwile.

Avaefeso 5:6

Mulagela mwidikile ukusangwa na umunu kwa ing'ani sakwe isa uwubanga pakuva uwimila ing'ani sesindawe iso ililakali lya Nguluvi lyakuvasila avanu mbevali vesivakumogopa.

Avaebulaniya 3:12

Swe vanyalukolo, mwikomalilage sisalulava ave pwali mwanyenye munya numbula imbi ndahihyo na yesiafuuvitwi mbaka abape kwa Nguluvi umumi.

Tito 1:16

Avanu avindawe iwo vakwiyigilisa nda vamusele Nguluvi neke ukwimila ifipigo fyawo vakumubihila. Iwo vanyakuvifya avanu pakomi kangi vagaya kwipulika nawo sivikwila mulukani lwa uwunofu lwelweluvesaga.

Avafilipi 2:12

Vanyalukolo vangu, pende pamwi nanyenye mwavelige na ichoga mbepali na kulino pendili pataali nanyenye, muvelage ni choga ndahihila. Mupigage ifipigo we mwina muhwehwe nu kukuvila ukwimila uwupoki wenyu,

Tito 3:3

Pakuva, ulusika ulungi hwehwe twetwivapuva, avagaya kwipulika na avayasi. Twe twivanyawingi wa uwudobokesi na isa mung'i wewevuvesaga. Twikalige muwanangifu na mu gila; neke avanu vatuvipile swe nahwe tukuvavipila.

Avakolosayi 3:6

Na ukwimila siso, nambi ililakali lya Nguluvi lyakuvasila vala mbevali avagaya ichoga kulumwene.

Ifipigo 26:19

“Neke lino baho, ve Mutema Agilipa, nene ndalemilwe ukuva na mbedasi kwa ukugubulilwa uko kwekwihuma kuchanya.

Luka 16:16

“Indagilo na uwandike wa avavisi fyepofili mbaka ulusika lwa Yohane. Uluhuma ipo Ulukani Ulunofu lwa uwutwa wa Nguluvi lwidalikwa, na yeyeakwingila akwingila kwa ludali.

Matayo 11:12

Ukuhuma mufilo ifya Yohane umubatisi mbaka neng'ino uwutwa uwa kuchanya wa wiwoneka kwa ludali na avanu avanyaludali vakuwutegula kwa kukangala.

Matayo 7:13

“Mukolage umulyango umufinyu pe mukwingila pakuva umulyango umugasu, na ing'asi ingasu iyo yisogwe kuwanangifu; pakuva avanu wolofu vevakwingila vavikola umulyango gugo.

Avaefeso 2:2

Ulusika ulo mwikalige we mukwiga imikalile imibi ja mung'i umu, mwagapulikise amasoka manyaludali ga mwilanga, amasoka agakuvasagila lino avanu vesivakumupulika Nguluvi.

Yohane 6:27

Mulakipigila kipigo ichakulya ikikwanangika, pesi ulwa mupigilage ichakulya ikinanaga ukwimila uwumi wa mbepali, icho che avapela Umwana va Umunu. Pakuva uyo, ye muteme uluhagi na dada Nguluvi.”

Avaebulaniya 4:6

ino uluhuviso ulo lwa ukwingila pepololi pakuva vala vevadalikilwe pamwandi valemilwe ukwingila umo pakuva vagayite ulufuuwo.

2 Petulo 2:6

Nguluvi ayihigite iboma iya ku Sodoma na ku Gomola, ayilalise na umoto, akusiwuyapa sivelage cholelesi cha ing'ani isikusa ukuvafika avanu agayi choga kwa Nguluvi.