Avaebulaniya 2:17 - Lufingano Lupya

¹⁷ Nambi lwelwene lwelwamuvaje ave ndawe vanyalukolo vakwe mwa mbesili, sambi ave Mutambisi Umuvina vawo umuhuvilwa na munyalusungu mukumupigila Nguluvi, nukuhesa inzanangifu sa avanu.

Avaebulaniya 2:17 Referans Kwoze

Avaebulaniya 4:14

Sweno, lutuvaje ukwinatila hilo ulufuuwo lwetukulwidikila. Pakuva twinave Umutambisi Umuvina yeinje mbaka kwa Nguluvi yumwene—Yesu, Umwana va Nguluvi.

Avaebulaniya 2:14

Sweno, pakuva avana iwo, ndawe lweakuvakemela, iwo vanu vanya muvili na idanda, Yesu yumwene ave ndawe avene nu kuhanga uwunu wawo. Apigite ndahihyo sambi kwa ukugendela ifwa yakwe amwanange umwananzi, yula umunyalulagi lwa ifwa.

Avaebulaniya 7:26

Sweno, Yesu ye mutambisi umuvina yeakwilaniche hilo mu wugulumu wetu. Umwene mwelu, mugaya wananzi nambi nzanangifu mulumwene; asumuli mwa vanyanzanangifu na apelitwe indolo mbaka kuchanya.

Avalumi 5:10

Pakuva petwetukaali twivatavangu vakwe, Nguluvi alamwe twilamule nave ukukola ifwa ya umwanakwe. Na pakuva lino yetwilamwe nave, lulipawelu hilo ulwa satupokwa ukukola uwumi wa Kilisito.

Avaebulaniya 2:11

Pakuva Umwene aakuvesa avanu inzanangifu sawo, nave pamwi na vala avesiwe, mbevali vinave Dada yumwi. Nambi Yesu siakwiwona nyoni ukuvakemela iwo vanyalukolo vakwe;

Avaebulaniya 3:5

Musa emuhuvilwa mukaye mbeyili ya Umutwa wita mukami, na yealonzile ing'ani mbesili se Nguluvi saalonga ipo pambele.

Avakolosayi 1:21

Pamwandi nyenye nanye mwepataali na Nguluvi mwe vatavangu vakwe pakuva amahosa na imigendele jenyu je myaafu.

Avaebulaniya 7:28

Nachene ululagilo lwa Musa lwalwihagula avahomefu ukuva vatambisi vavina; neke ulwilapo lwa Nguluvi lwealuvikite mu mwilapo na lwelwahumite mu mbele ya ululagilo lumuhagwe Umwana yeavikitwe akwilaniche kitasila.

Avaefeso 2:16

Kwa umuvili gakwe, Kilisito awulige uwutavangu wawo; kwa umusalaba gakwe ndawe ahanzise ing'olo iso luve lukolo lumwi na awuyipe uwilamule na Nguluvi.

Avalumi 15:17

Sweno, kono wenyanzile na Kilisito nywanite nane ukwivahila ikipigo changu kwa Nguluvi.

Avaebulaniya 3:2

Umwene e muhuvilwa kwa Nguluvi yeamuhagwe, apige ikipigo chakwe ndawe Musa lweemuhuvilwa mukaye mbeyili ya Nguluvi.

Avaebulaniya 2:16

Pakuva lulipelu hela ulwa umwene siasili uwimila ukuvatanga vanyivaha, pesi ndawe lwewilonga uwandike, “Akuvatanga avisukulu va Abulahamu.”

Avaebulaniya 3:1

Vanyalukolo vangu, nye vanu va Nguluvi yemuvakemele na Nguluvi kuchanya, mwihose ulwa Yesu ye Nguluvi amutumite ave Mutambisi Muvina va ulufuuwo lwetukulwindika.

Avaebulaniya 4:15

Pakuva sitwinave Umuvina yesi awuseele hilo uwuhomefu wetu, yumwene agelitwe ndawe hwehwe munzolofu na saapigiti nzanangifu.

Avaebulaniya 5:1

Yeyeavesaga Mutambisi muvina aihagulwa uluhuma muvanu uwimila ukumupigila Nguluvi iva ahalye pavene, atawule ifitawulwa na inambika uwimila inzanangifu sawo.

Avaebulaniya 5:2

Pakuva na yumwene nave muhomefu, ahwana ukuvawonela ulusungu vala aviyaga na avagaya inzeli vipiga inzanangifu.

Avaebulaniya 5:5

Lwindahihyo nayi Kilisito siitegulii yumwene ululumbo lukuva Mutambisi Muvina, pesi ukuta Nguluvi amutige: “Veve wi Mwanangu; Nene neng'ino yembe Dado.”

Avaebulaniya 5:10

nave Nguluvi swe akumuhagula ukuva Mutambisi Muvina ikola imigosekese ja uwutambisi wa Melekisedeki.

Avaebulaniya 6:20

Yesu alongwe ukwingila umo uwimila hwehwe, na ave mutambisi muvina kitasila, va imigosekese gigila ja Melekisedeki.

Avaebulaniya 8:1

Sweno, ululutye mwa mbesili setwilonga lwe ulu: hwehwe twinave Umutambisi Umuvina yeindahihyo, yula ye akong'ome kundyo kwa ikigoda cha uwutwa cha umunyaludali Nguluvi kuchanya.

Avaebulaniya 8:3

Yeyeavesaga mutambisi muhagule ukumutawulila Nguluvi ifitawulwa na inambika, na palulo nayi mutambisi Umuvina vetu lumuvaje avelage na ikinu cha ukutawulila inambika.

Avaebulaniya 9:11

Neke Kilisito yeafisile, iva Mutambisi Muvina va ing'ani inofu, se kulino yesifikite, umwene ipigila pihema ilinofu na ilikwilaniche hilo, lyesiwuyape na amawoko ga vanu, kwekutigila ilyo silya mung'i umu umwagafilwe.

Avaebulaniya 10:21

Sweno, twinave Umutambisi umutambule umunyaludali mukaye ya Nguluvi.