Avaebulaniya 2:11 - Lufingano Lupya

¹¹ Pakuva Umwene aakuvesa avanu inzanangifu sawo, nave pamwi na vala avesiwe, mbevali vinave Dada yumwi. Nambi Yesu siakwiwona nyoni ukuvakemela iwo vanyalukolo vakwe;

Avaebulaniya 2:11 Referans Kwoze

Avaebulaniya 10:14

Sweno, uwimila inambika yakwe yimwi hela avawuyipe vave vakwilaniche kitasila vala avakofugwa inzanangifu sawo.

Avaebulaniya 10:10

Pakuva Yesu Kilisito akwisise uwende wa Nguluvi, hwehwe tukofugwa inzanangifu setu na yila inambika ya umuvili gwakwe gwe agutawe sukumwi hela, swe yikwila.

Yohane 20:17

Yesu amulonje, “Ulandibata, pakuva sindilapiluka kwa Dada. Ino bitage ku vanyalukolo vangu ukavalongele ulwa ndipiluka kwa Dada vangu nave Dadenyu kwa Nguluvi vangu nave Nguluvi venyu.”

Avaebulaniya 13:12

Na lwindahihyo nayi Yesu nave, sambi avese avanu ni danda yakwe yumwene, atesiswe nu kufwa pivala pa iboma.

Avalumi 8:29

Pakuva vala vevevahagule na Nguluvi ukuhuma pidaha, vawo veavahagwe, sambi vihwane na umwanakwe, sambi umwanakwe ave mulongosi mu vanyalukolo awolofu.

Yohane 17:19

Na wimila avene ngwiyesa yinene sambi iwo veesiwe mu nachene.

Yohane 17:21

Nguvasukila mbevali vave vali lumwi. Dada! Ndawe veve Dada uli mugati mwa nene, nane mugati mwa veve. Iwo nawo vave mugati mwa hwehwe sambi avamung'i vafuuwe ulwa veve ye veve yewandetite.

Matayo 25:40

Neke Umutwa saavapitula: ‘Nachene nguvalongela ndawe lwe mwamupije uyumwi va avadodo vangu iva ulo mwamije nene.’”

Avaebulaniya 2:14

Sweno, pakuva avana iwo, ndawe lweakuvakemela, iwo vanu vanya muvili na idanda, Yesu yumwene ave ndawe avene nu kuhanga uwunu wawo. Apigite ndahihyo sambi kwa ukugendela ifwa yakwe amwanange umwananzi, yula umunyalulagi lwa ifwa.

Avagalatiya 4:4

Neke ulusika uluvike lwave lwifika, Nguluvi amutumite Umwanakwe umwegale nu mung'inetu, nave ikalite pasi ya uwutema wa indagilo,

Ifipigo 17:26

Na ukuhuma kulumunu uyumwi agafile avanu mbevali, na ukuvavika vikale mbekuli konivala. Umwene alamwe na ukugelanisa ulusika na apono pe avanu iwo mbevali pesavikala.

Avaebulaniya 11:16

Neke ali lino visaka ing'i inofu ukulutila, kwekutigila ing'i ya kuchanya. Nambi Nguluvi siakwipulika wungi pevakumutambula ulwa umwene ye Nguluvi vawo, pakuva yumwene yeavagelanikise iboma.

Maliko 8:38

Pakuva yeyeavesaga yakumbonela inyoni nene na ing'ani sangu mu mbegalo iyi inzanangifu na iya uwugoni, kwa uyo Umwana uva Umunu saamuwonela inyoni pesaakusa mundolo isa udade pamwi na vanyivaha avelu.”

Matayo 28:10

Ndawe Yesu avatigilige, “Mulogopa! Mubitage mukavalongele avanyalukolo vangu vabite ku Galilaya kwevambona nene.”

Ifipigo 17:28

Luling'ene na lwealonzile umunu uyumwi: ‘Mulumwene hwehwe twinana, twigenda, na ukuva twipwali!’ Lwindawe avimba nzimbo venyu avangi lwevatige: ‘Hwehwe nahwe twivanakwe.’

Luka 9:26

Pakuva yeyeambonelaga inyoni nene na ing'ani sangu, uyo navee Umwana va Umunu saamuwonela inyoni umunu uyo peakusa mundolo sakwe na sa udade na sa avanyivaha avelu.

Maliko 3:34

Swe akuvalavila vala avevamupilime neke atigile, “Iva vevayuva na avanakwetu na vanyalukolo vangu!

Avaebulaniya 3:1

Vanyalukolo vangu, nye vanu va Nguluvi yemuvakemele na Nguluvi kuchanya, mwihose ulwa Yesu ye Nguluvi amutumite ave Mutambisi Muvina va ulufuuwo lwetukulwindika.