Avaebulaniya 13:7 - Lufingano Lupya

⁷ Muviwukage avalongosi venyu vevavadaliche ulukani lwa Nguluvi. Mwihosage hilo sa imigendele jawo, mukigage ulufuuwo lwawo.

Avaebulaniya 13:7 Referans Kwoze

Avaebulaniya 13:17

Muvelage na ichoga ku valongosi venyu nu kwinatila indagilo sawo; avene vahele vilolela inumbula senyu, pakuva sawolelela isa uwupisi wawo kwa Nguluvi. Muvaleke vapige ifipigo fyawo kwa luhekelelo, si wuhuguvafu, na pa ulo nyenye simwambula uwinome.

Avafilipi 3:17

Vanyalukolo vangu, mwigage ukwiga imigendele jangu. Muvalavage avene avakwinatila ikiganiso chetwavaviche.

Avaebulaniya 6:12

Lino Mulava vagata pesi ulwa muvelage ndawe vala vevifuuwa na ukukangalila, na palulo vakwanukila sila inyuvise na Nguluvi.

1 Avatesaloniki 1:6

Nanye mwatwigite hwehwe na ukwiga Umutwa; nambi luve mwagudite hilo neke mwanuche ulukani mu luhekelelo ulwihuma kulu Muhe Umwelu.

Ifipigo 14:23

Ndawe vavahagulige avavaha va amakanisa ukwimila vevevafuuvitwe na pevifunyite na ukwiyima ukulya sambi vifunyage, ndawe vavavikige avavaha va amakanisa pamiho ga umutwa yevevamufuuvitwe.

Matayo 24:45

Yesu avepealonga “Ye nani umunyalufuuwo na umukami Umunyandolo? Yula ye umuvina vakwe amuvika avimilile avakami avangi na ukuvapela avayagwe ichakulya peluvelaga luvaje ulusika.

1 Timoti 3:5

Kwekutigila umunu peilemwa ukwimilila ikaye yakwe yumwene imilila ndawuli likanisa lya Nguluvi?

Avaebulaniya 13:24

Muvahungilage avalongosi venyu mbevali pamwi na avanu va Nguluvi! Vanyalukolo va ku Italiya vakuvahungila vitigila, Kamwene.

1 Avatesaloniki 2:13

Kangi twina lukani lungi ulwa ukumulumba nguluvi: petwavaletelige ulukani lwa Nguluvi, nanye mwalupulike, swe mukulwanukila, si wita lukani lwa munu, pesi wita lukani lwa Nguluvi, nachenne welwiwali. Pakuva Nguluvi ahele ipiga mugati umwenyu nyenye ye mwifuuwa.

1 Avakolindo 4:16

Sweno, nguvagongola munzigage nene.

Avalumi 10:17

Sweno, ulufuuwo lwakusa kwa kupulika ulukani, na ulukani ulo lwihuma mu lukani lwa Kilisito.”

Ifipigo 4:31

Vavelige visinda ukwifunya, pala apono pevevakong'ine, pahogalike, nawo mbevali vamemite Umuhe Umwelu. Mbevali vavanzile ukudalika ulukani lwa Nguluvi vagaya muhwehwe.

Uwugubulilwe wa Yohane 6:9

Ndawe Umwanang'olo ahesige indoni ya wuhanu. Ndawe ndawonige pala pasika pifunyo pakufung'ilisisa uwufumba imyuhe ja vala avevawulage vivalwa ulukani lwa Nguluvi, na ukwimila uwolelesi wewolelelige.

Uwugubulilwe wa Yohane 20:4

Swe ngufiwona ifigoda ifya uwutwa na avanu ave vateng'ime muchanya, avanu iwo vapelitwe uludali ulwa ukuhiga. Ndagiwene nagi myuhe gila ja avanu avevatumbikwe wimila uwolelesi wa Yesu na wimila ulukani lwa Nguluvi, iva sivasunyalii ing'oko ulwihwano lwayo, sive vateme uluhagi muwusu wawo nave mumawoko gawo. Vapilulilwe uwumi kangi swe vitema pamwi na Kilisito kwa myaka mbilima yimwi.

Uwugubulilwe wa Yohane 1:9

Nene Yohane, ndimunyalukolo venyu, ye ndihanga pamwinga nanyenye yemukwikangasa muwutwa wakwe. Nene nde pa kigunguli ikitambulwa Patimo ndivalwa ukudalika ulukani lwa Nguluvi na uwanachene wa Yesu.

2 Avatesaloniki 3:9

Twapigite ulo si ukuta si lwelunoje ukwanukila uwutanzi wenyu nda, pesi ukuta twawendite hela tuvapele chemwiga.

1 Avakolindo 11:1

Munzigage nene ndawe nene lwengumwiga Kilisito.

Luka 12:42

Umutwa swe itigila, “Ino ye nani, umukami umuhuvilwa munyaluhala ye avikwa na umutwa vakwe ave muvina va ikaye yakwe avapele avanu ichakulya mu lusika uluhwanite?

Luka 8:11

“Lino ikiganiso icho kwe kutigila de: Inyadikwa lwe ulukani lwa Nguluvi.

2 Avatesaloniki 3:7

Yinyenye vavene mukulukagula ulwa luvavaje ukwiga lwetwipiga hwehwe. Hwehwe petwe ukwenyu sitwavi vagata nambi.

1 Avakolindo 10:13

Ukugelwa kwe mukave mwigelwa nyenye kuling'ene hela na ukugelwa kwa avanu. Neke Nguluvi uva ukwihuvilwa, nave sisaavaleka mugelwe ukulutila uludali lwenyu, neke pamwinga na ukugelwa, umwene kangi avapela uludali ulwa ukukangalila na ing'asi ya ukuvahumya umo mwivatelefu.

Ifipigo 13:46

Nambi ndahihyo Pawulo na Balanaba valonzile kwa wupifu hilo, swe vitigila, “Lwe lulagile ukutigila ulukani lwa Nguluvi ludalikwage kwa nyenye tandi, pakuva nyenye mulubihye na ukwiwona simuhwaniti muwumi wa mbepali apo swe tukuvaleka twipitukila avanu avamyanza.

Luka 5:1

Ikimunyi ikimwi Yesu eimite pa mwani ya inyanza ya ku Genesaleti, na avanu wolofu vamupilime wevibanite, vipulikisa ulukani lwa Nguluvi.

1 Petulo 4:11

Yeilonga lukani, ing'ani sakwe sivelage wita ing'ani sa Nguluvi, yeipigila lumuvaje apigilage muludali lweipelwa na Nguluvi, sambi mwa mbesili Nguluvi apelwa indolo ukukola kwa Yesu Kilisito, ye indolo na uludali fyakwe mbepali na mbepali! Ena.