Avaebulaniya 13:15 - Lufingano Lupya

¹⁵ Sweno, ukukola kwa Yesu, tumutawulile Nguluvi inambika yinya lulumbo lwa mbepali, kwekuta ululumbo ulwitawulwa ni milomo jejikulidikila ilitawa lyakwe.

Avaebulaniya 13:15 Referans Kwoze

Avalumi 12:1

Ino nguvagongola vanyalukolo vangu, mwitawulage uwunu wenyu kwa Nguluvi, yive nambika iya mbepali, nzelu na iyikumunogela. Iyo ye ng'asi iyanachene ya ukumusunyalila.

1 Petulo 2:5

Mumubitilage umwene mwiva ndawe amaganga amanyawumi musengelwe sambi muve kaye ya ikinyamuhe, umo mwemumupigila wita avatambisi avelu, ukutawulila inambika isa kinyamuhe isikumunogela Nguluvi ukukola kwa Yesu Kilisito.

Matayo 11:25

Ndawe ulusika lulula Yesu atigilige, “Ngukulumba veve Dada, Mutwa va kuchanya na mung'i, ulwa veve wavafihite ifinu ifi avanyaluhala na avasugu neke uvalagile ifi avana fyali.

1 Petulo 4:11

Yeilonga lukani, ing'ani sakwe sivelage wita ing'ani sa Nguluvi, yeipigila lumuvaje apigilage muludali lweipelwa na Nguluvi, sambi mwa mbesili Nguluvi apelwa indolo ukukola kwa Yesu Kilisito, ye indolo na uludali fyakwe mbepali na mbepali! Ena.

Avaefeso 2:18

Sweno, ukwimila umwene, hwehwe mbetuli, Avayudaya na avanu va ing'i isingi, tuhwanite ukumubitila Dada kwa mutima gumwi.

Avaebulaniya 7:25

Uwimila lulo, umwene ihwana lino na mbepali ukuvapoka vala mbevali vevakumubitila Nguluvi ukugendela kulumwene, pakuva umwene inana kitasila avasukilage kwa Nguluvi.

Avakolosayi 1:12

Muluhekelelo mumulumbage Dada yealekite nayi nyenye muve na ililila lyenyu mufinu fila fye Nguluvi alavaviche avanu vakwe kuwutwa uwa ulung'ali.

Avalumi 6:19

Lino ipa ndilonga indongele ya kiwunuwunu iya mbepali hela, ukwimila uwuhomefu wenyu yunyenye. Ndawe ulusika ulungi lwemwitawe yunyenye ukuwupigila uwaafu na uwananzi uwimila uwanangifu, lwindahihyo lino mwitawulage uwunu wenyu yunyenye muwupigile uwugolofu uwimila uwelu wi migendele.

Yohane 10:9

Nene ye nene ndikikolo, umunu yeakwingila mwa nene, apokwa, ingila nu ukuhumanisa, nave awuwona uwukwamililo.

Yohane 14:6

Yesu amupitwe, “Nene ye ng'asi, inachene na uwumi, sikwali umunu yeabita kwa Dada pesiakweti kwa nene.”

Luka 10:21

Pakivalilo kikila ahekelye mu Muhe Umwelu itigila, “Ngukulumba ve Dada, ve Mutwa va ing'i na kuchanya, pakuva isi uvafihite avanyafigaho nu luhala uvalaje avana. Ena, Dada, pakuva lwakunoje luve ndahihyo.”

Avaebulaniya 12:28

Sweno, hwehwe tumulumbage pakuva tukwanukila Uwutwa uwuta dengadenga. Tuvelage ni kilumbo nu kumusunyalila Nguluvi mu ng'asi yeyimunogela, muwilevesi ni choga;