Avaebulaniya 13:14 - Lufingano Lupya

¹⁴ Pakuva umu mung'i twivagaya iboma iyinanaga mbepali; neke lino petuguluma yila iboma iyikusa.

Avaebulaniya 13:14 Referans Kwoze

Avafilipi 3:20

Neke hwehwe twivanyang'i va kuchanya, na tusindila we tukalalye umupoki ase ukuhuma kuchanya, Umutwa Yesu Kilisito.

Avaebulaniya 12:22

Neke nyenye mufikite ku kidunda cha ku Sayuni, ku Boma ya Nguluvi Umumi. Mufikite mu Yelusalemu, iya kuchanya, kwe vakong'ine vanyivaha mbilima mbilima vesivahwaniti ukuvalilwa kulumwene.

Avaefeso 2:19

Sweno, nyenye si pe mwivagenzi kangi, sipe mwivanu va kwivala nyenye, mwivanyang'i pamwi na avanu va Nguluvi, na mwi vanu va mulukolo lwa Nguluvi.

2 Avakolindo 4:17

Ukuguda kwetwiguda kudodo na kwa lusika ludodo hela; neke kukutupela indolo isilutye na amahosa mbegali, indolo ingaya wudugo.

1 Avakolindo 7:29

Vanyalukolo vangu, ndiwenda ukutigila de: ulusika lwelusige ludodo hela. Na uluhuma lino vala vevategwe vikalage witigila sivalategula;

1 Petulo 4:7

Umudugo wa mbefili yewuhegelye. Sweno luvavaje muvelage na imigosekese na ichoga, sambi muhwane ukwifunya.

Avaebulaniya 4:9

Kwa lulo, pepololi ulusuupo lwa avanu va Nguluvi ndawe kula ukusuupa kwakwe Nguluvi ikimunyi icha umufung'ati.

Avaebulaniya 2:5

Nguluvi siavavikiti vanyivaha vayitema ing'i iyikusa, kwekutigila ing'i yila yetukuyitinakisisa ing'ani sakwe.

Avaebulaniya 9:11

Neke Kilisito yeafisile, iva Mutambisi Muvina va ing'ani inofu, se kulino yesifikite, umwene ipigila pihema ilinofu na ilikwilaniche hilo, lyesiwuyape na amawoko ga vanu, kwekutigila ilyo silya mung'i umu umwagafilwe.

Avaebulaniya 10:34

Mwahanzile uluteseko na vanyandinde, na pevavaposile uwunono wenyu mwakangalye muluhekelelo, pakuva mwalukagwe ukuta mwina uwunono uwulutye na uwutasila.

Avaebulaniya 12:27

Ulukani ulu: “Kangi.” lukutulagila ulwa ukufihesa ifinu mbefili ifigave, ifidengadenga, mwafila ifyagafilwe, sambi fisigale fila fyesifihwaniti ukudengadenga.

Uwugubulilwe wa Yohane 3:12

“Vala vevidwesa ndivawuyapa vave kipanda mu Tembeli ya Nguluvi vangu, na sisavahuma umo nangi. Kangi nzandika mwavene ilitawa lya Nguluvi vangu, na ilitawa lya iboma ya Nguluvi vangu, i Yelusalemu imya, ye yiika ukuhuma kuchanya kwa Nguluvi vangu. Kangi nzandika mwavene ilitawa lyangu ilipya.