Avaebulaniya 12:2 - Lufingano Lupya

² Tumulavage Yesu yeatuvanje ulufuuwo lwetu nave alukwisa. Uwimila uluhekelelo lwelwamusindilige, umwene akangalye ifwa mu musalaba, we sihosa lwa inyoni iyihuma mumo, na kulino akong'ome kundyo mukigoda cha umutwa cha Nguluvi.

Avaebulaniya 12:2 Referans Kwoze

1 Petulo 3:18

Pakuva Kilisito yumwene afwee ukwimila inzanangifu setu; afwee sukumwi hela swe lwikwila, umunu umunofu ukwimila avanangifu, sambi avasindike nyenye kwa Nguluvi, vamuwulige umuvili neke iva mumi ku lubali lwa umuhe;

Avaebulaniya 1:3

Umwene ye lumalavadiko lwa indolo sa Nguluvi kangi ye lwihwano ulwa nachene lwa Nguluvi umwene, yeakuyikangasa ing'i mulukani lwakwe ulunyaludali. Peyeavesise avanu inzanangifu sawo, ikalite kuchanya kwiwoko lya kundyo lya Nguluvi umunyaludali ulukomi.

Avaefeso 5:2

Mugendelage uwende, ndawe Kilisito lweatwendite, neke itawule yumwene ave kitawulwa cha inambika iyinung'ilila wunofu na iyikumunogela Nguluvi.

Avafilipi 1:6

Sweno, ngwihuvila ukuta Nguluvi yeavanzile ikipigo iki ikinofu mwanyenye, agina ukukivinia mbaka kikwilanikile mu kimunyi cha Kilisito Yesu.

Avaebulaniya 9:28

lwindahihyo nave Kilisito itawe nambika sukumwi hela sambi asihese inzanangifu sa awolofu. Pesaiwoneka ulwa kavili, siwita kangi akusa kukwihoma na inzanangifu, pesi ukuta kukuvapoka vala avakumusindila umwene.

Yohane 6:40

Pakuva seiwenda Dada vangu se isi kwa yeyeamulavaga Umwana nu kumufuuwa avelage na uwumi wa mbepali nane sandimusilibula pa ikimunyi cha uwusililo.”

1 Petulo 3:22

yula yeahele kuchanya na lino akong'ome ulubali lwa kundyo lwa Nguluvi, pamwi na avanyivaha imbali mbesili mbike kulumwene.

Ifipigo 5:31

Uyo ye Nguluvi amukung'umike pachanya kwiwoko lyakwe lya kundyo ave Mulongola, na Umupoki, avawuyape avanu va mu Isilaeli vahongese sambi vadegepelwa inzanangifu sawo.

Luka 24:26

Siluke lukamuvaji ukukola mu neseko isi na ukwingila mundolo sakwe?”

Yuda 1:21

Nyenye, musigalage muwende wa Nguluvi; musindilage ulusungu lwa Umutwa Yesu Kilisito mbaka mupelwe uwumi wa mbepali.

Avaebulaniya 8:1

Sweno, ululutye mwa mbesili setwilonga lwe ulu: hwehwe twinave Umutambisi Umuvina yeindahihyo, yula ye akong'ome kundyo kwa ikigoda cha uwutwa cha umunyaludali Nguluvi kuchanya.

2 Timoti 4:8

Lino ulusige lwelula lwa ukupelwa uluhombo lwa ukudwesa ukwimila imigendele ja uwugolofu, uluhombo lwe umutwa Umuhisi va nachene, saameela nene ikimunyi icho, na kangi si yinene hela, pesi na vavala mbevali avilavisa muwende ukweleluka kwakwe.

Avafilipi 3:20

Neke hwehwe twivanyang'i va kuchanya, na tusindila we tukalalye umupoki ase ukuhuma kuchanya, Umutwa Yesu Kilisito.

Maliko 14:36

Neke atigile, “Dada vangu, kwa mbesili sasihwana. Nyesekese ikinywelo iki cha uluteseko ulu ulwene salulava ndawe lwendiwenda nene. Ulwa luvelage ndawe lwewiwenda veve.”

Uwugubulilwe wa Yohane 2:8

“Kwa munyivaha va likanisa lya Simulina wandikage de: Ulu lwe lukani ukuhuma kulumwene uva ukutala na ukudugilisa, yula yeafwe na ukunana kangi.

Avaebulaniya 13:13

Sweno, tumubitilage umwene pala pivala iya ilikambi tukiteguse ululeko lwakwe.

Avaebulaniya 5:9

Na peyeawuyipwe akwilaniche, swe iva kilamuko cha uwupoki uwutasila, kwa vala mbevali avakumupulika,

Yohane 13:3

Yesu alalukagwe ulwa udade amupelye uludali mbeluli mumawoko gakwe, na ulwa ahumite kwa Nguluvi nave ipiluka kwa Nguluvi.

Luka 17:5

Neke avigendo vamulongele, “Mutwa! Tuwilage ulufuuwo.”

Maliko 9:24

Ulusika lulula udade va umukwamisi ayofile neke atigile, “Ndifuuwa! Nange uwugaya lufuuwo lwangu.”

Avaebulaniya 12:3

Mwihosage ulwa ing'ani sesamufikite yula, lula lweakangalye ulubesa ulukomi kuvanu vanyanzanangifu. Sweno, mulatilivika imitima, nambi kufulugala.

Avaefeso 2:16

Kwa umuvili gakwe, Kilisito awulige uwutavangu wawo; kwa umusalaba gakwe ndawe ahanzise ing'olo iso luve lukolo lumwi na awuyipe uwilamule na Nguluvi.

Ifipigo 5:41

Avigendo vahumite kwivala pawuhigilo vahekelye, pakuva luwonike ulwa avene vanoje ukuhongelwa inyoni vivalwa litawa lya Yesu.

Yohane 12:32

Nane peng'ang'wilwe pachanya ya ing'i ndivakwegela mbevali kwa nene.” (

1 Petulo 1:11

Vagelite vagikagule imisika na yeilongwa, tutigile ulusika lwe Kilisito alavaje ulupweng'enyu yeemugati mwawo, avilite ulwa ineseko isesimufika Kilisito na indolo yesayihumila mumo.

Avaebulaniya 10:14

Sweno, uwimila inambika yakwe yimwi hela avawuyipe vave vakwilaniche kitasila vala avakofugwa inzanangifu sawo.

Yohane 12:24

Nachene nene nguvalongela nyenye, ulupeke lwa ingano pesilugwi paluganga lufwe lwakwikala ndahihyo lwiyena, neke pelufwe lwalwiveleka hilo.

Yohane 8:56

Abulahamu, Udadenyu aheyite ulwa ikimunyi changu, nave akiwene nu kuhekelela.”

Yohane 1:29

Ikimunyi cha kavili Yohane amuwene Yesu akusa kulumwene, neke atigile, “Uyu ye mwanang'olo va Nguluvi, ihesa inzanangifu sa mung'i!

Luka 23:11

Ndawe Helodi na avanyigalu vakwe vamuhongele inyoni, na ukumwelanga vakumufwika imyenda ja Uwutwa, swe vakumupilula kwa Pilato.

Matayo 20:28

Lwindahihyo kwa Umwana va Umunu si aasili ukupigilwa nda pesi ulwa aasile ave mukami va avangi na ukutawula uwumi wakwe sambi luve wukombolwa kwa avanu wolofu ukuhuma munzanangifu sawo.”

Matayo 16:21

Na uluhuma baho Yesu avanzile ukuvalongela wima hela avanyigendo vakwe akuvatigila, “Nene lwinoga mbita ku Yelusalemu na ukuteseka mu nzolofu ukuhuma ku vavaha, na avatambisi avavina, na avigisi va indagilo na ukuwulagwa, pakimunyi icha wudatu nzilibulwa.”

Uwugubulilwe wa Yohane 1:17

Ino, ndavelige ngumuwona hela ndagwe pamagulu gakwe siliike wita munu ye afwe. Neke umwene angelike iliwoko lyakwe lya kundyo swe itigila, “Ulava na muhwehwe! Nene ye uva ukutala na ukudugilisa.

Uwugubulilwe wa Yohane 1:11

Nago gwatige, “Wandikage mukitabu mbesili seukusiwona, ukasindike ku makanisa iga agimufung'ati: Efeso, Similina, Peligamo, Tuwatila, Salide, Filadelifiya na Lawodikeya.”

Avaebulaniya 7:19

Pakuva indagilo sa Musa sisahwaniti ukukwisa ulukani lwelweluvesaga. Neke lino, apono pala pahalye uluhuvi ulunofu ululutye hilo, na uwimila lulo twihwana ukumuhegelela Nguluvi.

Avaebulaniya 1:13

Kangi Nguluvi siamulonji nambi kimunyi uyungi va avanyivaha vakwe atigile: “Wikalage kwiwoko lyangu lya kundyo mbaka pendivavikite avatavangu vako pasi pa amagulu gako.”

Ifipigo 2:36

“Na avanu mbevali va mu Isilaeli lwinoga valukagule hilo nachene ulwa uyo Yesu yemwamutumbike, ye yuyo ye Nguluvi amuwuyipe ave Mutwa na Mesiya.”

Maliko 9:12

Neke avatigile, “Nachene Eliya aasa tasi kukugolola mbesili, neke pamwi na siso Umwana va Umunu andikilwe ndawuli ulwa atesiwa mu nzolofu pamwi na ukubedalwa?

Uwugubulilwe wa Yohane 1:8

“Nene ye ndiva ukutala na ukudugilisa.” Ilonga Umutwa Nguluvi yekwali, yeeikwali na yeakusa ye umunyaludali mbeluli.

Avaebulaniya 11:36

Avangi velanzilwe nu kutowa ni ngoda ni milegehi imiwopele ifisege vapinzilwe ni minyololo nu kusopwa mundinde.

Avaebulaniya 10:33

Apangi kangi mwalisilwe nu kuhongelwa inyoni pavanu; apangi mwidiche ukuhanga na vala vevatesekige ndahihyo.

Maliko 16:19

Neke Umutwa avelige yalongine nawo, swe itegulwa kuchanya, na ukuteng'emala kwiwoko ilya kundyo kwa Nguluvi.

Ifipigo 3:15

Swe nyenye mwamuwulige yula ikilamuko cha uwumi. Neke Nguluvi amusilibwe, na hwehwe mbetuli twiwolelesi va ulukani ulu.

1 Avakolindo 1:18

Pakuva ulukani ulwa ifwa ya Kilisito mu musalaba, lwiwoneka nda lukani lwa wupuva kwa vala vevisogola kukuyaga, neke kwa hwehwe yetuli mung'asi ya uwupoki ulukani ulo, lwe ludali lwa Nguluvi.

1 Avakolindo 1:23

Neke hwehwe tukumudalika Kilisito yevamutumbike Kwa Avayudaya ulukani lulu kikuvaso, na kwa Avamyanza ulukani ulu wupuva.

Yakobo 2:1

Vanyalukolo vangu, pemwiva mukumufuuwa Umutwa Yesu Kilisito Umutwa va indolo, mulavahagula avanu.

Maliko 15:28

Na Uwandike Uwelu wakwilye wewitigila, “Avalilwe pamwi na avananzi.”]