Avaebulaniya 12:1 - Lufingano Lupya

¹ Pakuva hwehwe twina lilugu ili ilikomi ilitupilime lya awolelesi. Sweno, tukilekelage ng'ani chechekivesaga kikututindasa, ni nzanangifu yila iyikutusila kolofu kolofu. Kangi tukimbilage mu wukangalisi tuvaleme avangi petukwitalanisa nawo.

Avaebulaniya 12:1 Referans Kwoze

2 Timoti 4:7

Ngave mupifu mulwitalaniso, yesinzile ulugendo mbeluli na ulufuuwo ngalugosise.

Avafilipi 2:16

wemukwinatila hilo ulukani lwe luvapoka. Na ipo pepene pe nane sa mba na lwa ukwivahila mu kimunyi kila cha Kilisito, ipo pesaluwoneka pawelu ukuta uwupifu wangu na ikipigo changu sisafiyaga chaka nangi.

Luka 21:34

“Apo mwikomalilage, inumbula senyu silingila muwuhatufu, mu wugaasi na ukuguda muminanile igi sakilonga kivafikanise ikimunyi kila nda libada.

Avagalatiya 5:7

Mukabitige wunofu, minofu! Lino, nani yeakavapinging'ise mulemwe ukwinatila inachene?

1 Petulo 2:1

Ino muwulekage uwanangifu mbewuli, uwudesi, uwulyalya, igila na ing'ani isa ukufililisa.

Avalumi 12:12

Muhekelelage muluhuvi lwenyu: muvelage na uwusindile mulugudo na mwifunyage mbepali.

2 Avakolindo 7:1

Sweno, Vanyawende vangu, kono we twivapele inyuviso isi mbesili, twiyeesage mwa mbesili sesihwanite ukutifusa imivili na inumbula setu, sambi tuve tweesile hilo, na twikalage we tukumogopa Nguluvi.

2 Timoti 2:4

Umunyigalu peakwihoma ligalu akwilegaga na isa mung'i isa malanga sambi amunogele umuvina va vanyigalu.

Yakobo 1:3

pakuva mukulukagula ukuta ulufuuwo lwenyu pelwidwesa ukugelwa ukwindawe uko, pepene pemupelwa ulwikangaliso ulwihumila mumo.

Matayo 24:13

Neke yula umunyakwinatila mbaka pamudugo saapokwa.

Matayo 10:22

Neke nayi nyenye samuvipilwa na avanu mbevali mwivalwa ilitawa lya nene, apo umunyakwinatila mbaka ku wudugo uyo saapokwa.”

Avaebulaniya 6:15

Abulahamu asindye kwa kukangalila nambi anuche kila checheilapilwe na Nguluvi.

Avalumi 2:7

Vala avakwinatila ukupiga inofu, visaka indolo na ichoga cha Nguluvi na uwutafwa, vapelwa uwumi uwutasila.

Uwugubulilwe wa Yohane 3:10

Pakuva veve yewinatye uwulagise wangu wukuva na ulwikangaliso, nane kangi ngulolela wunofu ulusika lula lwa ulugudo ulukusa mung'i mbesili ukuvagela mbevali avakwikala mung'i.

1 Petulo 4:2

Uluhuma lino, imikalile igivasigalye umu mung'i givagilwa ukusogoswa na seiwenda Nguluvi, si muwudobokesi wa uwunu.

Luka 12:15

Neke avalongele, “Mwikomalilage na uwimi, pakuva uwumi wa umunu siwakwimila uwolofu wa ifinu fyeinafyo.”

2 Petulo 1:6

na ukwitanila muwukagusi wenyu, ulwikangaliso mukwitanila kuko, ichoga kwa Nguluvi mulwikangaliso lwenyu,

Uwugubulilwe wa Yohane 22:16

“Nene Yesu, ndimutumite umunyivaha vangu awolelele ing'ani isi mumakanisa. Nene ndimwegalwa mulukolo lwa Dawudi. Nene nding'eng'esi iyilangala inema wufuku.!”

1 Petulo 5:12

Ukwimila Silivano, umunyalukolo ye ngumwihuvila ndawe lwe nguluwona nene, ndivandiche nyenye ludodo hela ndivakangalise na ukuvalongela ukutigila kwa uwuwuya wa Nguluvi, mwikalage we mukange mwa wuwo.

Uwugubulilwe wa Yohane 1:9

Nene Yohane, ndimunyalukolo venyu, ye ndihanga pamwinga nanyenye yemukwikangasa muwutwa wakwe. Nene nde pa kigunguli ikitambulwa Patimo ndivalwa ukudalika ulukani lwa Nguluvi na uwanachene wa Yesu.

Yohane 3:32

Sila sasiwene nu kupulika sesene seakolelela na asukuli yeakwidikila uwolelesi wakwe.

Uwugubulilwe wa Yohane 13:10

Wone ave vadonyitwe ukugalulwa luvavaje ukuta iwo savagalulwa; wone vadonyitwe ukuwulagwa kwa ilimage iwo savadumulwa na ukwimila siso, luvavaje avanu va Nguluvi vavelage na ulwikangaliso na ulufuuwo.”

Luka 16:28

pakuva ndina vanakwetu vahanu, sambi avapavile valonga vaase nawo apono ipa paluteseko.’

Yohane 4:39

Na mu boma yila Avasamaliya wolofu vamufuuvitwe uluhuma mu lukani lwa umung'inetu yula yeolelye ulwa andonje: “Ng'ani mbesili sengapigite.”

Yohane 4:44

Pakuva yumwene Yesu ilonje ulwa, “Umuvisi mugaya lulumbo mung'i yakwe yumwene.”

Avagalatiya 2:2

Ndahele uko ukwimila ukugubulilwa na Nguluvi ukuta mbitage. Petwe tukong'ine (apono apawunamu) ndavalonje iwo avanyalulumbo ulwa ulukani ulunofu lwendavadaliche avanu avamyanza. Ndapigite ulo sambi ikipigo changu chendemigite na kila chemiga kilemwe ukuva nda cha malanga hela.

Avaefeso 4:25

Sweno, muwulekelage ng'ani uwudesi. Na yeyeavesaga lumuvaje amulongelage umuyagwe isa nachene, pakuva yeyeavesaga mwahwehwe iva kigawamuvili cha umuvili gwa Kilisito.

Avafilipi 1:30

Lino muhwanite muhange na nene mukuhoma ligalu. Iligalu ili lyelila lyemwambwene nene ndihoma pala pamwandi, na kulino penyoma ndawe lwe mwipulikaga.

1 Petulo 5:1

Nene yendi muvaha ndinalo lukani lumwi lwenguvasuka nyenye mwe vavaha vayangu. Nene yinene ndilolelye mumiho gangu ineseko sa Kilisito na ndikuvye ukuhanga sila indolo sesasigubulwa. Nene nguvasuka

Maliko 10:50

Neke atage isopeka yakwe, swe idibuka ibita kwa Yesu.