Avaebulaniya 11:6 - Lufingano Lupya

⁶ Sweno, pesi ukukola ulufuuwo situhwaniti ukumunogela Nguluvi. Pakuva umunu yeyeavesaga akumubihila Nguluvi lumuvaje afuuwage ulwa Nguluvi pwali, na ulwa akuvahomba vala vevakumuninila.

Avaebulaniya 11:6 Referans Kwoze

Matayo 6:33

Lino musakage tasi uwutwa wa Nguluvi na uwugolofu wakwe na ifyo mbefili fiva fyenyu.

Luka 12:31

Lino mutalage ukusaka uwutwa wa Nguluvi; na iso mbesili muwilwa.

Avaebulaniya 7:25

Uwimila lulo, umwene ihwana lino na mbepali ukuvapoka vala mbevali vevakumubitila Nguluvi ukugendela kulumwene, pakuva umwene inana kitasila avasukilage kwa Nguluvi.

Avalumi 10:14

Mbino vamusuka ndawuli wone sivalamufuuwa? Na kangi; vamufuuwa ndawuli wone sivalapulika ing'ani sakwe? Na vapulika ndawuli ing'ani sakwe wone asupali umudalisi?

Avaebulaniya 3:12

Swe vanyalukolo, mwikomalilage sisalulava ave pwali mwanyenye munya numbula imbi ndahihyo na yesiafuuvitwi mbaka abape kwa Nguluvi umumi.

Yohane 14:6

Yesu amupitwe, “Nene ye ng'asi, inachene na uwumi, sikwali umunu yeabita kwa Dada pesiakweti kwa nene.”

2 Petulo 1:5

Nambi ukwimila lulo, musugunalage na ukuwila uwunofu mulufuuwo lwenyu, muwilage uwukagusi muwunofu wenyu,

Avaebulaniya 4:6

ino uluhuviso ulo lwa ukwingila pepololi pakuva vala vevadalikilwe pamwandi valemilwe ukwingila umo pakuva vagayite ulufuuwo.

Avagalatiya 5:6

Pakuva wone yetuhanzile na Kilisito Yesu, ukuwoolwa nambi uwutawoolwa uko kufwaha hela, ikikomi ipo lwe lufuuwo ulwipigaga ikipigo muwende.

2 Petulo 3:14

Lino, vanyawiyendi vangu, pemuva mwisindila Ikimunyi kila musugunalage hilo ukwiyesa mwiva simwivananga kinu pa Nguluvi, na ukwilamula nave.

Yohane 8:24

Nambi ndivalonje ulwa samufwa munzanangifu senyu; pesi mwifuuwa ulwa ‘Nene ye nene’ mufwa munzanangifu senyu.”

2 Petulo 1:10

Sweno, vanyalukolo vangu, musugunalage hilo ukuluwuyapa ulo ulukemelo lwenyu lwemwakemelilwe na Nguluvi luvelage lukani lwembepali luli muwunani wenyu; wone mugendele lulo sisamugwa nangi.

Avaebulaniya 7:19

Pakuva indagilo sa Musa sisahwaniti ukukwisa ulukani lwelweluvesaga. Neke lino, apono pala pahalye uluhuvi ulunofu ululutye hilo, na uwimila lulo twihwana ukumuhegelela Nguluvi.

Avaebulaniya 4:2

Pakuva Ulukani Ulunofu yeludalikwe ukwetu ndawe welwadalikwe kuvanu va pidaha. Neke ulukani ulo silwavakwili kinu, pakuva valupulike neke vave sivalwanuchi mu lufuuwo.

Uwugubulilwe wa Yohane 21:8

Neke avanu avanyamuhodo, avagaya ulufuuwo, avanangike, neke avanu, avawulasi, avagoni, avahavi, avisunyalilaga ifihwananguluvi, na avadesi mbevali apono pawo pevavikilwe kwitemela ilikwakaga umoto ugwa ikibiliti, iyo yefwaa ya kavili.”

Avaebulaniya 11:26

Alukagwe ulwa ukuteseka uwimila Kilisito kwina kwambula kukomi hilo ukulutila uwunono mbewuli wa mung'i ya mu Misili, pakuva asindilige ukupelwa amahombo ga pambele.

Maliko 16:17

Na ifilagilo ifi figendasa na avifuuwa: mwitawa lyangu vahumya amasoka, valonga indongele ingenzi.

Luka 6:35

Nyenye muvendage avatavangu venyu, nu kuvapigila inofu, mutawulage kitapilulilwa, na ikipelwa chenyu sakiva kikomi, samuva mwivana va Nguluvi yalikuchanya. Pakuva umwene muwuya kwa avagaya kilumbo na avanangifu.

Matayo 6:16

“Pemukwiyima ukulya, mulemwage ukwihohoveka nu kukumbing'ana kumiho ndawe avabuganisi we vavigita. Vavihohovala sambi vakagulanike na avanu ukuta viyimite ukulya. Nene nguvalongela iwo yevahombitwe uluhombo lwawo.

Matayo 6:5

“Pe mukwifunya, mulemwage ukuva ndawe avabuganisi. Pakuva avene vaviwenda ukwima neke vifunye mumasinagogi na mumakasi sambi vawoneke kuvanu. Nachene nguvalongela iwo yevanuche uluhombo lwawo.

Matayo 5:12

Muvesage na luhekelelo na ukukimilila pakuva ililila lyenyu saliva likomi kuchanya, siso se vapigilwe avavisi nyenye pesimwe mwikwali.”

Matayo 11:26

Ena, Dada vangu, pakuva ulu lwe luhekelelo pamiho gako.”