Avaebulaniya 10:24 - Lufingano Lupya

²⁴ Tusugunalage ukwitanga yihwehwe sambi twiwile uludali lwa ukwiyenda nu kupiga inofu.

Avaebulaniya 10:24 Referans Kwoze

1 Avatesaloniki 5:11

kwa lulo mwisikimikage na ukwitanga yinyenye kwa yinyenye, ndawe lwe mwipiga lino.

1 Yohane 3:18

Nye vanangu, uwende wetu wulonga wuve wa pamulomo hela, pesi wuvelage wa nachene na wa mufipigo.

Avaebulaniya 13:1

Muvelage we mwiyenda kinyalukolo.

Avagalatiya 5:13

Neke nyenye vanyalukolo vangu mwakemelitwe muve vanu mwivatemapenyu. Neke nambi ndahihyo uwutemapetu sawulava lifinga lyambuse tuve pasi ya wutema wa uwudobokesi wa isa mung'i; pesi ukuta luvavaje mwipigilage muwende.

Avakolosayi 3:16

Ulukani lwa Kilisito lwikalage mugati umwenyu pamwinga na uwunono wakwe mbewuli mwiyigisage na ukwiyisa mu luhala mbeluli. Mwimbage isabuli, na inzimbo, na uwimbe wa kinyamuhe; mumwimbilage Nguluvi munumbula senyu mwina ikilumbo.

Tito 3:8

Ulukani ulu lwa nachene. Ndisaka veve usikangasage hilo ing'ani isi, sambi vala vevakumufuuwa Nguluvi vadoboke ukukola ifilega fyawo ukupiga inofu, sila inofu isikuvatanga avanu.

1 Timoti 6:18

Valagilage vapigage ifinofu, vave vanono kwa ukupiga ifinofu, vavelage vadeke ukutawula ifinu fyawo kwa avanu vangi.

Avaebulaniya 13:3

Muviwukage vala avasope mundinde wita wanda nanyenye musopitwe pamwi nawo. Muviwukage vala aviteseka wita wanda nayinyenye mwiteseka ndawe avene.

Avagalatiya 6:1

Vanyalukolo wone mumuwone umuyenyu ananzile, nyenye yemwilongoswa na Umuhe mumukenyelage umunu uyo hilo, ulwene mupigilage iso muwulele, kono we mukwikomalila yinyenye, mulongamugelwe na yinyenye kangi.

1 Avakolindo 10:33

Munzigage nene, ndigela ukuvapigila uwunofu mbevali kwa lwelweluvesaga, kono we sindisaka ukwambula kwa ndiyena pesi kwa ukwambula kwa mbevali, sambi vapokwe.

Avagalatiya 5:6

Pakuva wone yetuhanzile na Kilisito Yesu, ukuwoolwa nambi uwutawoolwa uko kufwaha hela, ikikomi ipo lwe lufuuwo ulwipigaga ikipigo muwende.

2 Avakolindo 8:8

Nene singuvapela ululagilo, neke chendiwenda hela ukuvalagila lwe lula lwe avangi vina uwupifu mukuvatanga avangi, sambi nene ndiwukagule uwende wenyu ukuta kumbi wa nachene.

Ifipigo 11:29

Vala avanyigendo valamwe ukuta umunu yeyeavesaga ina kinu asindikage vavatange avanyalukolo avikalige mu Yudaya.

2 Avatesaloniki 3:9

Twapigite ulo si ukuta si lwelunoje ukwanukila uwutanzi wenyu nda, pesi ukuta twawendite hela tuvapele chemwiga.

Avagalatiya 5:22

Neke isihumaga mukulongoswa na Umuhe we uwende, uluhekelelo, uwikalakunoga, uwukangalisi, uwunofu, ulusungu, uwufuuwa,

2 Avakolindo 9:2

Ngulukagula lwe nyenye mwina inumbula iya ukutanga, na ngilumbite ukwimila nyenye mu lukani ulo pa vanu va ku Makedoniya. Ndavatige, “Vanyalukolo vetu va ku Akaya vakakwisise uluhuma umwaka ugulutye.” Sweno, uwupifu wenyu wukavalamwise avanu wolofu hilo.

Avalumi 12:15

Muhekelelage pamwi na vala avihekelela muvembage na avivemba.

Tito 2:4

Sambi vavasovelese vamwayuva avadodo vave vanyawende kwa avagosi vawo na avanawo,

1 Avakolindo 9:22

Kwa vala avahomefu nane ngave nda ndimuhomefu sambi ndivalete nawo. Nane ngipitwe polofu na kwa mbevali sambi ndivapoke avamwi.

1 Avatesaloniki 1:3

Pakuva, pa Nguluvi udadetu, tukwiwuka lwe mukululagila ulufuuwo lwenyu mufipigo, lwe uwende wenyu wukuvatanga ukupigila muwupifu, na lwe uluhuvi lwenyu ulukwilaniche kulu Mutwa vetu Yesu Kilisito.

Avalumi 11:4

Mbi Nguluvi amupitwe kiki? Amutige, “Ndiviche avanu mbilima simufung'ati vesivakumusunyalila Baali.”

Avaebulaniya 3:13

Lino mwitangage munu na muyagwe mbepali, bahayitambulwagwa. “Ineng'ino.” Lulava uyumwi va nyenye ave na numbula ng'angafu pakusangwa munzanangifu.