Avaebulaniya 1:3 - Lufingano Lupya

³ Umwene ye lumalavadiko lwa indolo sa Nguluvi kangi ye lwihwano ulwa nachene lwa Nguluvi umwene, yeakuyikangasa ing'i mulukani lwakwe ulunyaludali. Peyeavesise avanu inzanangifu sawo, ikalite kuchanya kwiwoko lya kundyo lya Nguluvi umunyaludali ulukomi.

Avaebulaniya 1:3 Referans Kwoze

Uwugubulilwe wa Yohane 4:11

“Lukuvaje veve uve wi Mutwa na Nguluvi vetu, wanukile indolo na ichoga na uludali pakuva wagafile ifinu mbefili na ukwimila uwende wako fyagafilwe na ukuwoneka.”

Yohane 1:14

Nave Lukani ave munu swe akwikala kwa hwehwe amemile uwuwuya na uwanachene, nahwe swe tukuwuwona uwunyandolo wakwe, uwunyandolo ndawe wa Umwana yeiyena yeihuma kwa Dada.

2 Avakolindo 4:4

Lino iwo sivifuuwa pakuva yula nguluvi va mung'i avapufise uluhala lwawo sambi valemwe ukuluwona ulung'ali lwa Ulukani Ulunofu lwa indolo sa Kilisito, yula ye lwihwano lwa Nguluvi.

Avaebulaniya 12:2

Tumulavage Yesu yeatuvanje ulufuuwo lwetu nave alukwisa. Uwimila uluhekelelo lwelwamusindilige, umwene akangalye ifwa mu musalaba, we sihosa lwa inyoni iyihuma mumo, na kulino akong'ome kundyo mukigoda cha umutwa cha Nguluvi.

Yohane 1:4

Mugati mulumwene mwe mowoli uwumi na uwumi wula we lung'ali lwa avanu.

Avaebulaniya 10:12

Neke Kilisito atawe nambika yimwi wimila inzanangifu, inambika iyikwilaniche mbepali na mbepali ndawe ikalige kulubali lwa kundyo lwa Nguluvi.

Yuda 1:25

kulumwene Nguluvi yeiyena, umupoki vetu ukukola kwa Yesu Kilisito Umutwa vetu, sivelage indolo, uwuvina, uwutema na ululagi, wesigilafika imisika mbegili na kulino na mbepali! Ena.

Avaebulaniya 9:26

wone lweluve ndahihyo, Kilisito lwelumuvagila ukuteseka kolofu uluhuma ukugawa kwa ing'i. Neke lino imisika igi pegihegelela kuwusililo wayo, umwene awonike sukumwi hela, ukuhesa inzanangifu kwa ukwitawula yumwene nambika.

1 Yohane 1:7

Neke wone twikale mu lung'ali, ndawe umwene nave lweali mulung'ali, sweno, twiva na uwulilumwi yihwehwe, na idanda yakwe Yesu Kilisito umwanakwe, yikutofuga inzanangifu mbesili.

Avaebulaniya 4:14

Sweno, lutuvaje ukwinatila hilo ulufuuwo lwetukulwidikila. Pakuva twinave Umutambisi Umuvina yeinje mbaka kwa Nguluvi yumwene—Yesu, Umwana va Nguluvi.

1 Yohane 3:5

Mukulukagula ulwa Kilisito aasile ukuhesa inzanangifu setu, na ukuta kulumwene kugaya nzanangifu sesesivesaga.

2 Petulo 1:16

Petwavigisige ulwa ukusa kwakwe ukunyandolo Umutwa vetu Yesu Kilisito, sitwakweti isimo hela isa malanga ingaya kinu. Hwehwe twayiwene indolo yakwe mumiho getu yihwehwe.

1 Petulo 3:22

yula yeahele kuchanya na lino akong'ome ulubali lwa kundyo lwa Nguluvi, pamwi na avanyivaha imbali mbesili mbike kulumwene.

1 Petulo 1:21

Ukukola kulumwene, mukumufuuwa Nguluvi yeamusilibwe uluhuma kuvafwe na ukumupela indolo na palulo ulufuuwo na uluhuvi lwenyu luli kwa Nguluvi.

Avaebulaniya 8:1

Sweno, ululutye mwa mbesili setwilonga lwe ulu: hwehwe twinave Umutambisi Umuvina yeindahihyo, yula ye akong'ome kundyo kwa ikigoda cha uwutwa cha umunyaludali Nguluvi kuchanya.

Maliko 16:19

Neke Umutwa avelige yalongine nawo, swe itegulwa kuchanya, na ukuteng'emala kwiwoko ilya kundyo kwa Nguluvi.

Uwugubulilwe wa Yohane 3:21

“Vala vevadwesa ndivakong'omeka pamwi nanene pa kigoda changu cha uwutwa, ndawe yinene lwendadwesise swe ndikong'omala pamwi na Dada vangu pa kigoda chakwe cha uwutwa.

Avaebulaniya 7:27

Umwene siindawe vala avatambisi avavina avangi; silumuvaji ukutawula inambika wekwache, ivangila inambika ya inzanangifu sakwe yumwene, pambele uwimila inzanangifu sa avanu vangi. Umwene apigite ulo sukumwi hela peitawulige yumwene nambika, na iyo yikwila mu imisika mbegili.

Ifipigo 2:33

Yesu akung'umikwe pachanya mbaka kulubali lwa kundyo kwa Nguluvi, na ukwanukila ukuhuma kulu Dade kila ikipelwa cha Umuhe Umwelu, che alavahuvise nambi isi mbesili semukusiwona lino nu kupulika, kwe kwiswa kwa uyo Umuhe.

Yohane 1:29

Ikimunyi cha kavili Yohane amuwene Yesu akusa kulumwene, neke atigile, “Uyu ye mwanang'olo va Nguluvi, ihesa inzanangifu sa mung'i!

Avakolosayi 3:1

Sweno, wone yemusilibwike pamwi na Kilisito, musugunalage ukusaka isa kuchanya, kula kwekwali Kilisito, akong'ome ulubali lwa kundyo lwa Nguluvi.

Avalumi 8:34

Mbi ye nani yeatuhiga? Asukuli! Pakuva Kilisito yeafwe, kangi asilibwike ukuhuma kuvafwe nayeali ulubali lwa kundyo kwa Nguluvi. Umwene akutusukila.

Ifipigo 7:56

Atige, “Mulavage! Ndiwona kuchanya kudindwike na Umwana va Umunu imite kulubali lwa kundyo kwa Nguluvi.”

Avalumi 1:16

Singuluwonela inyoni Ulukani Ulunofu, ulwene lwe ludali lwa Nguluvi lwelwakuvapoka mbevali vevifuuwa ukutala Avayudaya neke vase avamyanza.

Avaebulaniya 9:16

Na mbepali ulwandiko lwa uwulagise wa umunu yeaihagula yula umunu yategula amalila ga uwunono wakwe paumwene yaafwe, ulo lwakwidikilwa pala pe ifwa yakwe yiva yeyifikite.

Matayo 22:24

Swe vakumutigila, “Mwigisi, Musa atige wone umunu afwe mugaya vana umunyalukolo vakwe amutegulage umufwile vakwe sambi amwegalile avana.

Tito 2:14

Umwene itawe yumwene ukwimila hwehwe sambi atukombole mu wanangifu mbewuli na ukutwesa tuve twivanu vakwe yumwene, avanu vevidobokela isa uwunofu.

Avaebulaniya 1:13

Kangi Nguluvi siamulonji nambi kimunyi uyungi va avanyivaha vakwe atigile: “Wikalage kwiwoko lyangu lya kundyo mbaka pendivavikite avatavangu vako pasi pa amagulu gako.”

2 Petulo 1:17

Hwehwe twetwipwali peapeligwe ululumbo na indolo na Nguluvi Dada, ulusika pelyapulise iliswi ukuhuma kulumwene ye umwene ye Ndolo Ingomi, litigila; “Uyu ye Mwanangu Umwende, yendinogelwa nave.”