1 Yohane 1:8 - Lufingano Lupya

⁸ Wone tutigile twivagaya nzanangifu, apo tukwisanga yihwehwe, na inachene yisumuli mwahwehwe.

1 Yohane 1:8 Referans Kwoze

Avalumi 3:23

Avanu mbevali vapigite inzanangifu na vagayite indolo sa Nguluvi.

Yakobo 3:2

Neke wone umunu siisooma mumilongele jakwe, sweno, uyo akwilaniche, na ahwanite awuvike muchoga uwunu wakwe mbewuli.

1 Yohane 2:4

Umunu wone atigile ukuta akumukagula, neke ave siakwinatila indagilo sakwe, apo, umunu uyo mudesi, na inachene yisumuli mulumwene.

1 Yohane 1:10

Wone tutigile ulwa situlapiga inzanangifu, apo tumupela Nguluvi uwudesi, nu lukani lwakwe lusumuli mugati mwahwehwe.

Avagalatiya 6:3

Wone uyumwi akwipulika ulwa umwene kinu kumbi si kinu, uyo ava akwisanga weiyena.

Yakobo 1:26

Wone ihosa ulwa munyalufuuwo, kono we mulonga fibi na ukwisanga yumwene, ulufuuwo lwa umunu uyo lugaya kinu.

1 Timoti 6:5

na ulubesa lwesilwidugagi ukuhuma ku vanu ve uluhala lwawo lufuvangike na vala ve vagayite inachene. Avihosa ukuta ulufuuwo ye ng'asi ya ukwikwavila uwunono.

1 Avakolindo 3:18

Uyungi alemwage ukuvasanga! Umunu yeyeavesaga mwa nyenye yeitigila ina uluhala aakwiga ulwa mung'i, ikiba itigile mupuva sambi ave na uluhala lwa nachene.

2 Yohane 1:2

pakuva uwanachene wewakwikala mwahwehwe wuva na hwehwe kitasila.

1 Yohane 1:6

Wone tutigile twina uwulilumwi nave, baho baho tukwikala mulwisa, apo tuva tulonzile wudesi na situkwikala mu wanachene.

Yakobo 1:22

Muvelage mwivapisi va ulukani, mulemwage ukuva vapulisi hela, kono we mukwisanga.

2 Timoti 3:13

Avanu avanangifu na avabuganisi vagina ukuva vanangifu, kono visanga avangi na avene we vakwisanga.

3 Yohane 1:3

Nyekelye hilo pe vanyalukolo avamwi pevafikite ipa, vakolelye ulwa uwuhuvilwa wako ulwa nachene; ena, veve uhele ukwikala mbepali mu wanachene.

2 Petulo 2:13

na savahombwa ineseko ukwimila ineseko sevakambwise. Uluhekelelo lwawo kwekupiga chechekivesaga chekikwisa isa uwudobokesi uwa imivili jawo, kangi upigila siso mukimunyi hela. Avanu avindahihyo vileta uwuhonganyoni pevikong'ana na nyenye mumbungo senyu mufingi ifikomi, kono we uhekelela imigendele jawo ija uwuyasi.

Yohane 8:44

Nyenye mwivana va Udadenyu Setani, na uwudobokesi wa udadenyu, Wemuwenda ukupiga. Umwene muwulasi, kangi sakwimagi mu nachene pakuva inachene isumuli mulumwene. Na pealongaga uwudesi; akwilongela isakwe yumwene, ulo lweiwali pakuva mudesi, kangi Dade va uwudesi.

Avalumi 3:10

Ndawe Uwandike Uwelu wewitigila: “Asukuli umugolofu na yumwinga!

1 Yohane 4:20

Yeyeavesaga itigila ulwa Umunu wone atigile ulwa amwenda Nguluvi, kono we akumuvipila umunyalukolo vakwe, uyo mudesi. Pakuva yesiakumwenda umunyalukolo vakwe yeakumuwona, uyo sahwaniti ukumwenda Nguluvi yesialamuwona.