1 Yohane 1:2 - Lufingano Lupya

² Na uwumi uwo pewawonekige hwehwe twawuwene na kulino tukuwolelela nu kuvalongela isa uwumi uwo wa mbepali na mbepali wewewikwali kwa Dada wewavikitwe pawelu kwa hwehwe.

1 Yohane 1:2 Referans Kwoze

1 Yohane 5:20

Tukulukagula kangi ukuta Umwana va Nguluvi akasile, ukutupela uwukagusi sambi tumukagule Nguluvi uva nachene; twikale mu uwulilumwi na Nguluvi uva nachene mukuhanga na Umwanakwe, Yesu Kilisito. Uyu ye Nguluvi uva nachene, na uwu we wumi uwutasila.

Yohane 1:4

Mugati mulumwene mwe mowoli uwumi na uwumi wula we lung'ali lwa avanu.

1 Timoti 3:16

Pagaya kusina ukwimila uwukomi wa ikinyele cha ulufuuwo lwetu. Awonike mu lwihwano lwa umunu, olelilwe na Umuhe ukuta mugolofu, awonike kwa vanyivaha, adalikwe ku vamyanza, vamufuuvitwe mung'i mbeyili inwilwe kuchanya mu ndolo.

Yohane 17:3

Na uwumi wa mbepali we uwu vakukagule veve Nguluvi ye wiyena na va nachene, na Yesu Kilisito yewamuletite.

1 Yohane 5:11

Nu wolelesi uwene we uwu: Nguluvi atupelye uwumi uwutasila nu wumi uwo wuli Kulumutwa.

1 Yohane 3:8

Neke yeipigaga inzanangifu uyo va umwanangifu, pakuva umwanangifu ipigaga inzanangifu uluhuma pamuvango. Neke Umwana va Nguluvi aasile konivala ukufyananga ifipigo fya umwanangifu.

Tito 1:2

lwe uluhuvi lwa ukupelwa uwumi wa mbepali we Nguluvi yesilongagi uwudesi, atuhuvise uwumi wuwo, pidaha hilo wesigilavanga imisika,

Yohane 14:6

Yesu amupitwe, “Nene ye ng'asi, inachene na uwumi, sikwali umunu yeabita kwa Dada pesiakweti kwa nene.”

1 Yohane 3:5

Mukulukagula ulwa Kilisito aasile ukuhesa inzanangifu setu, na ukuta kulumwene kugaya nzanangifu sesesivesaga.

2 Timoti 1:10

lino yewugubuliwe kwa hwehwe, ukwimila ukusa kwakwe umupoki vetu, Yesu Kilisito, umwene apesise uludali lwa ifwa, ukukola Ulukani Ulunofu awuvikite uwumi pawelu wula uwutafwa.

Avagalatiya 4:4

Neke ulusika uluvike lwave lwifika, Nguluvi amutumite Umwanakwe umwegale nu mung'inetu, nave ikalite pasi ya uwutema wa indagilo,

Yohane 15:27

Nayi nyenye mukolelela pakuva uluhuma pamuvango mukepamwi na nene.

Ifipigo 3:15

Swe nyenye mwamuwulige yula ikilamuko cha uwumi. Neke Nguluvi amusilibwe, na hwehwe mbetuli twiwolelesi va ulukani ulu.

1 Petulo 5:1

Nene yendi muvaha ndinalo lukani lumwi lwenguvasuka nyenye mwe vavaha vayangu. Nene yinene ndilolelye mumiho gangu ineseko sa Kilisito na ndikuvye ukuhanga sila indolo sesasigubulwa. Nene nguvasuka

Avalumi 8:3

Nguluvi akakwisise ulukani lula lwe indagilo sisahwaniti ukukwisa uwimila uwuhomefu wa uwunu. Nguluvi amuletite umwanakwe iva ina muvili ugutegine ni mivili jetu hwehwe vanyanzanangifu, sambi ihome na inzanangifu, na kwa umuvili gugo adwesise inzanangifu.

Ifipigo 10:41

si kwa mbevali nda pesi kwa vala ve Nguluvi eavahagwe vave wolelesi vakwe, ukutigila hwehwe yetwalisige na ukunywa pamwinga nave peasilibwike ukuhuma kwa avafwe.

Ifipigo 5:32

Na hwehwe yetwiwolelesi va isi mbesili, nave Umuhe Umwelu, yula ye Nguluvi avapelye vala vevakumupulika nave akolelela siso.”

Ifipigo 2:32

Sweno, Nguluvi amusilibwe uyo Yesu na hwehwe mbetuli twiwolelesi va ulukani ulo.

Yohane 21:14

Ulu lwa kadatu Yesu ukwiyelelula ku vanyigendo vakwe peyeasilibwike uluhuma kuvafwe.

Yohane 17:5

Ino Dada mele indolo pa veve, indolo sila sendendinaso pamwi na veve wesiyilava yigawa ing'i.”

Yohane 16:28

Ndahumile kwa Dada nane nzusile mung'i kangi nguyileka ing'i na ukubita kwa Dada.”

Yohane 8:38

Nene ndilonga sendasiwene kwa Dada, neke nyenye mwipiga sila semwapulike ku Dadenyu.”

Yohane 7:29

Nene ndimusele pakuva nyumite kulumwene nave ye munyakunuma.”

Yohane 3:13

Kangi sikwali umunu yealahele kuchanya pesi Umwana va Umunu, yeasile uluhuma kuchanya.

Yohane 1:18

Asukuli umunu yealamuwene Nguluvi ulusika mbeluli. Umwana yeiyena yeategine na Nguluvi, yealipamwi na Dada, uyo yeamuwuyipe Nguluvi akagulanike.

1 Yohane 1:1

Tukuvandikila isi uwimila ulukani lwa uwumi lwelwepoluli uluhuma pamuvango. Hwehwe twalupulike nu kuluwona mumiho getu yihwehwe, ukuluhuvila nu kulwibata na amawoko getu yihwehwe.

Yohane 10:28

Ndangusipela uwumi wa mbepali, na sisasiyaga nda. Na sikwali umunu yeahwanite asaanuke mwiwoko lyangu.

Yohane 19:35

Nave yeilavye yeolelye, na uwolelesi wakwe wa nachene, nave akulukagula ulwa ilongela mumwene, sambi nyenye nanye mufuuwe.)

1 Yohane 2:25

Nu luhuviso lweatuhuvise hwehwe lwe ulu: Uwumi uwutasila.

1 Yohane 4:2

Na iyi ye ng'asi ya ukulukagula wone munu uyo isogoswa nu Muhe va Nguluvi. Yeyeavesaga akwidikila ulwa Kilisito aasile, swe iva munu, umunu uyo inave Umuhe va Nguluvi.

1 Yohane 4:14

Hwehwe tuluwene nu kuwolelela avangi ulwa Dada amutumite Umwanakwe ave mupoki va ing'i.

1 Yohane 5:13

Nguvandikila sambi mulukagule ukuta mwinawo uwumi uwutasila nyenye yemufuuwa mwitawa lya Umwana va Nguluvi.