1 Timoti 1:10 - Lufingano Lupya

¹⁰ avasafi, avakwivaga vagosi kwa vagosi, avihiisaga avanu vakuvasopa mu wunyawingi, avadesi na vala avakwilapaga we videta na mbevali vala vevipigaga chechekivesaga ikisutine na inzigiso isa nachene.

1 Timoti 1:10 Referans Kwoze

2 Timoti 4:3

Pakuva lukusa ulusika lwe avanu sisavapulikisa inzigiso isa nachene, pesi ukuta savafwata uwudobokesi wawo vavene na ukwilundikila avigisi wolofu vesavavalongela sisila hela se amapulikilo gawo giwenda ukupulika.

Avalumi 1:26

Sweno, Nguluvi avalesile avanu vafwate uwudobokesi uwubi. Na vang'inetu vidulika imipigile igihwana uwugave wa imivili jawo, kwa gila jesigihwana na uwugave wa imivili jawo.

Uwugubulilwe wa Yohane 21:27

Neke kisukuli chechekivesaga chaafu chesakingila mumo, nambi umunu yeyeavesaga yeipigaga ifya uluvifyo apangi ifya uwudesi sisaingila mumo. Pesivavala swe avandikwe mukitabu cha uwumi icha Umwanang'olo, vesavingila mugati.

1 Timoti 6:3

Umunu yeyeavesaga yeakwigisa isisutine na ing'ani isi na yesakwidikila ing'ani sa nachene sa Umutwa vetu Yesu Kilisito na inzigiso, isa ulufuuwo,

Yuda 1:7

ndawe lwave ku Sodoma na ku Gomola, na mu boma isemwipi kwe avanyang'i vakwe vapigite isa uwanangifu, visopite mu sa uwugoni viva kiganiso cha ulupumo ulwa umoto gwa mbepali na mbepali.

Tito 1:9

Lumuvaje inatilage hilo lula ulukani ulwihuvilwa ndawe mwe lukwigwisiwa. Ipo pepene peahwana ukuvakangasa avangi imitima ukukola inzigiso isa nachene na ukuvawulila pawelu uwananzi wa vala avibesa inzigiso siso.

Uwugubulilwe wa Yohane 21:8

Neke avanu avanyamuhodo, avagaya ulufuuwo, avanangike, neke avanu, avawulasi, avagoni, avahavi, avisunyalilaga ifihwananguluvi, na avadesi mbevali apono pawo pevavikilwe kwitemela ilikwakaga umoto ugwa ikibiliti, iyo yefwaa ya kavili.”

Avaebulaniya 13:4

Ingomwa yivaje yipelwagwe ichoga, na avanu mbevali, na isivaje ingomwa sikwiswage. Nguluvi saavahiga avanya migendele imibi na avagoni.

Uwugubulilwe wa Yohane 22:15

Neke imbwa, avahavi, avagoni, avawulasi, avasunyalila ifihwananguluvi na mbevali aviwendaga ukulonga uwudesi, savikala kwivala pa iboma.

2 Timoti 1:13

Winatilage inzigiso sila sa nachene, na ukwikala mwalulo ulufuuwo na mu wende wetu mukuhanga na Kilisito Yesu.

Yohane 8:44

Nyenye mwivana va Udadenyu Setani, na uwudobokesi wa udadenyu, Wemuwenda ukupiga. Umwene muwulasi, kangi sakwimagi mu nachene pakuva inachene isumuli mulumwene. Na pealongaga uwudesi; akwilongela isakwe yumwene, ulo lweiwali pakuva mudesi, kangi Dade va uwudesi.

Tito 1:13

Nave alonzile neke atumbule ulwa nachene, na ukwimila lulo lukuvaje uvakalipilage hilo, sambi vave na ulufuuwo ulukwilaniche.

Uwugubulilwe wa Yohane 18:13

ifihatwa fya umudalasini, uwufumba, imanemane na uwudi, idifai, amafuta, uwuse na ingano, isenga na ing'olo, ifwalasi na imituka ja ukukwegwa, avanyawingi vawo nambi uwunani wa avanu.

1 Timoti 4:6

Wone uvapele vanyalukolo mbevali uwulagise uwu, apo uva mukami munofu va Kilisito Yesu, kono wukwiyongelesa mu isa Umuhe mung'ani isa ulufuuwo na inzigiso sa nachene, sila se veve ukave ukwinatila.