1 Petulo 1:3 - Lufingano Lupya

³ Alumbwagwe Nguluvi na Dada va Umutwa vetu Yesu Kilisito! Ukukola ulusungu lwake ulukomi atuwuyipe twegalwe wupya muluhuvi ulunyawumi ukusilibukwa Yesu uluhuma kuvafwe,

1 Petulo 1:3 Referans Kwoze

1 Petulo 1:23

Pakuva ukukola ulukani ulunyawumi lwa Nguluvi, nyenye mwegilwe wupya, sindawe avana va udadawo yeifwisaga, pesi va udadawo yesifwisagi kitasila.

1 Yohane 5:4

pakuva yeyeavesaga mwana va Nguluvi ahwanite ukuyidwesa ing'i ulu de lwetukuyidwesa ing'i: kwa ulufuuwo lwetu.

Avalumi 15:13

Sweno Nguluvi ye kilamuko cha uluhuvi, avapelage nyeye uluhekelelo mbeluli na uwikalakunoga uwihuma mulufuuwo lwenyu, uluhuvi luginage ukoloka muludali lwa Umuhe Umwelu.

Avaefeso 1:7

Pakuva kwa idanda yakwe Kilisito hwehwe twivakombole, kwekuta inzanangifu setu sihesiswe. Ulo lwelwiwali ukwimila uwukomi wa uwuwuya wakwe,

2 Avakolindo 1:3

Alumbwagwe Nguluvi na Dada va Umutwa vetu Yesu Kilisito, Dada munyalusungu na kangi Nguluvi mulunyamaso mbeluli.

1 Yohane 3:3

Ino, umunu yeyeavesaga ina uluhuvi ulu mwa Kilisito, akwiyesa ndawe lula Kilisito lweesiwe hilo.

Avalumi 12:12

Muhekelelage muluhuvi lwenyu: muvelage na uwusindile mulugudo na mwifunyage mbepali.

1 Yohane 2:29

Mukulukagula ulwa Kilisito mugolofu hilo ino, luvavaje ukulukagula kangi ulwa umunu yeyeavesaga yeipigaga ing'ani isa uwugolofu ye mwana va Nguluvi.

Avaefeso 1:3

Alumbwagwe Nguluvi na Udade va Umutwa vetu Yesu Kilisito! Pakuva, kwa ukuhanga na Kilisito atufunyilye kwa ukutupela ifipelwa mbefili fya Mumuhe ukuhuma kuchanya.

Avaefeso 3:20

Kulumwene ye kwa uludali lwakwe ulwipigaga ifipigo mugati umwetu ahwana ukupiga ingomi ukulutila mbesili setuhwanite ukumusuka nambi ukwihosa,

Avaefeso 1:17

Sambi Nguluvi va Umutwa vetu Yesu Kilisito, Dada umunyandolo, avapele nyenye Umuhe va uluhala na uva uwugubulilwe mumukagula Nguluvi,

1 Petulo 3:21

ulwe kiganiso cha uwubatiso wewukuvapoka nyenye lino. Uwubatiso siwita hela wihesa ilikwi mumuvili, pesi lwe luhuviso lwa Nguluvi ulwipigikila mulwiyiwuko ulunofu. Lukuvapoka ukukola ulusilibuko lwa Yesu Kilisito,

1 Timoti 1:14

Neke Umutwa vetu ameelye uwuwuya wakwe uwolofu, ukumeela ulufuuwo na uwende mu kuhanga na Kilisito Yesu.

Avaefeso 2:4

Neke Nguluvi munyalusungu lukomi. Atwendite na uwende uwugaya wulongo,

Yakobo 1:18

Ukwimila ukuwenda kwakwe yumwene atwejee ukukola ulukani lwakwe ulwa nachene, sambi hwehwe tuve wita amalongola mufigawa mbefili.

Tito 2:13

kono wetwisindila ikimunyi kila cha uwunofu chetukwihuvila, ulusika pe indolo sa Nguluvi umuvina na umupoki vetu Yesu Kilisito pesasiwoneka.

1 Avakolindo 15:20

Neke lino inachene ye iyi ukuta Kilisito asilibwike uluhuma kuvafwe, uva ukutala kwa vala avavasise mu fwa.

1 Avakolindo 13:13

Lino sinana isi isidatu: ulufuuwo, uluhuvi na uwende; neke ululutye uwukomi mwa mbesili isi we uwende.

1 Yohane 3:9

Yeyeavesaga mwana va Nguluvi sipigagi inzanangifu, pakuva ulwihwano lwa Nguluvi luli mulumwene; sahwaniti ukupiga inzanangifu pakuva umwene mwana va Nguluvi.

1 Petulo 2:2

Ndawe lula lwe avana fyali vavidobokela ilisiva, nayinyenye ndahihyo luvavaje muwendage hilo ilisiva ilyanachene lya ikinyamuhe, sambi ukukola uludali lwalyo muvine na ukukombolwa.

Avaebulaniya 3:6

Neke Kilisito muhuvilwa ndawe umwana umunyalulagilo mukaye ya Nguluvi. Hwehwe twikaye yakwe wone twinatile uwupifu wetu na uwukwilanifu wetu ukwimila kila chetuhele tukwihuvila.

1 Avatesaloniki 1:3

Pakuva, pa Nguluvi udadetu, tukwiwuka lwe mukululagila ulufuuwo lwenyu mufipigo, lwe uwende wenyu wukuvatanga ukupigila muwupifu, na lwe uluhuvi lwenyu ulukwilaniche kulu Mutwa vetu Yesu Kilisito.

Avakolosayi 1:27

Lwealavisile Nguluvi lwelwa ukuvalagila pawelu avanu vakwe, ikinyele iki ikikomi na kinyandolo che kikwimila avanu mbevali. Na ikinyele ichene che iki. Kilisito mugati mwenyu, ye luhuvi lwa indolo.

Avalumi 8:24

Na ukwimila uluhuvi lulo hwehwe yetukombolilwe, neke ulwene uluhuvi si kwekutigila tukukiwona kila chetwihuvye. Mbi yenani lino yeakwihuvila kila cheakukiwona lino?

Avalumi 8:11

Wone Umuhe va Nguluvi, yeamusilibwe Kilisito ukuhuma kuvafwe akwikala mugati mwenyu, sweno uyo yeamusilibwe Kilisito ukuhuma kuvafwe agipela uwumi imivili jenyu iginya kufwa, nangi apiga lulo ukukola Umuhe vakwe yeakwikalaga mugati mwanyenye.

Yohane 1:13

Vevegilwe kwa uludali lwa Nguluvi na si kwa uludali lwa munu nambi ing'asi isa uwunu.

1 Yohane 5:18

Tukulukagula ukuta yeyeavesaga umwegalwa na Nguluvi sipigagi inzanangifu, pakuva Umwana va Nguluvi akumulolela wunofu, nayula umwanangifu sahwana ukumwananga.

1 Yohane 5:1

Yeyeavesaga munu yeifuuwa ukuta Yesu ye Kilisito, uyo ye mwana va Nguluvi; na yeakumwenda umwegasi aakumwenda nu mwana umwegale na yuyo umwegasi.

Avakolosayi 1:23

Ino luvavaje muginage ukuva mulufuuwo kono wemuvisilwe na ukusigalila mulutu ulukangafu, mulidikila ukuhogaswa uluhuma muluhuvi lula lwemwapelitwe pemwapulikige Ulukani Ulunofu. Nene Pawulo ngave mukami va Ulukani Ulunofu lulo ulukadalikwe kulu munu yeyeavesaga mung'i.

Avalumi 5:10

Pakuva petwetukaali twivatavangu vakwe, Nguluvi alamwe twilamule nave ukukola ifwa ya umwanakwe. Na pakuva lino yetwilamwe nave, lulipawelu hilo ulwa satupokwa ukukola uwumi wa Kilisito.

Avalumi 4:25

Umwene yemutawule afwe ukwimila inzanangifu na asilibwike sambi hwehwe tuve twivagolofu.

1 Yohane 4:7

Vanyawende vangu, twiyendage, pakuva uwende wihumaga kwa Nguluvi. Yeyeavesaga munu yeina uwende uyo ye mwana va Nguluvi, na amukagwe Nguluvi.

1 Avatesaloniki 4:13

Vanyalukolo, twiwenda mulukagule ulwa nachene lwa vala vevafwe, sambi mulemwe ukuhuguvala ndawe avanu vangi avagaya uluhuvi.

Avagalatiya 6:16

Kwa vala vevifwata uwulongosi wuwo nguvasukila uwikalakunoga na ulusungu, uwikalakunoga na ulusungu kwa Isilaeli-vanu va Nguluvi.

2 Avatesaloniki 2:16

Tukwifunya Kulumutwa vetu Yesu Kilisito yumwene na Nguluvi udadetu ye atwendite, na mu uwuwuya wakwe atupelye ulusikimiko lwa mbepali na mbepali na uluhuvi ulunofu,

1 Petulo 1:13

Lino, mwimage munoge, mwikale miho, muluvikage uluhuvi lwenyu mbeluli mu wuwuya wula wesamupelwa ulusika lwa Yesu Kilisito pesaava awonike!

1 Petulo 1:21

Ukukola kulumwene, mukumufuuwa Nguluvi yeamusilibwe uluhuma kuvafwe na ukumupela indolo na palulo ulufuuwo na uluhuvi lwenyu luli kwa Nguluvi.

1 Petulo 3:5

Ulo lwevihambite pidaha avang'inetu avagolofu, vevamuhuvilige Nguluvi, vevina ichoga ku vanu vawo.

1 Petulo 3:15

Neke mumupelage indolo Kilisito iva Mutwa munumbula senyu. Muvelage mwimite munosile ukumupitula yeyeavesaga munu yeavawusa isa uluhuvi ululi mugati mwanyenye,