ZEKHARIAH 14:6 - Lai (Hakha) Common Language Bible 2006

⁶ Khi ni ah cun lumnak, kihnak, hawhra ti a um ti lai lo.

ZEKHARIAH 14:6 Referans Kwoze

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

JOHAN 12:46

Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.

SALM 112:4

Miṭha mi hna caah cun muihnak chungah khan ceunak a tlang, mi cungah vel a ngeimi le mi zaangfah a thiammi le miding mi hna caah cun ceunak kha a tlang.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

KOLOSE 1:12

Cun ceunak ram chungah Pathian nih a mi hna ca i a chiahmi thil i hrawm ve awkah aa tlak dingin an sertu hna kan Pa cu, lawmhnak he thangṭhat ko u.

JOHAN 1:5

Ceunak cu mui lakah khan a ceu i muihnak nih khan zeitikhmanh ah a hmit bal lo.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

JEREMIAH 4:23

Khi tikah vawlei kha ka zoh i, zohhmanh, a rawk dih i a lawngpi a si ko; Vancung khi ka hei zoh hna i an ceunak kha a um ti lo.

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

LAMKALTU 2:16

Zeidah a si deuh ti ahcun, Pathian nih profet Joel kaa in a rak chimmi kong kha a si. Zeitindah a ti tiah:

LAMKALTU 2:19

Cunglei van ah khin khuaruahharmi thil ka tuah hna lai i Tanglei vawlei ah hin hmelchunhnak ka umter hna lai — thisen le mei le a chahmi meikhu an si lai.

ISAIAH 24:23

Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

EZEKIEL 32:7

Na ceunak kha ka hmih tikah van kha ka phenh lai i a arfi hna kha ka muihter hna lai; ni cu minmei in ka phenh lai i thlapa nih a ceunak a chuah lai lo.

EZEKIEL 32:8

Na cung van i ceunak a ummi hna cu ka muihter hna lai i na ram cungah muihnak ka tlunter lai. Mah hihi Bawipa Pathian bia hrimhrim a si.

JOEL 2:30

“Cu ni a rat lai nakding hmelchunhnak hna cu van le vawlei ah ka langhter hna lai: Thisen chuahnak le mei le meikhu tlangtlang an si lai.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.