ZEKHARIAH 13:4 - Lai (Hakha) Common Language Bible 2006

⁴ Khi ni ah cun profet nih bia an chim tikah langhnak an hmuhmi kha an i zahpi cang lai, cuhleiah mi hlennak ah sahmul hrat angki fual kha an i hruk ti lai lo.

ZEKHARIAH 13:4 Referans Kwoze

MATTHAI 3:4

Johan hnipuan cu kalauk hmul in tahmi an si; a tai ah saphaw taisawm aa sawmh i khaubawk le khuaihliti in aa cawm.

ISAIAH 20:2

Cu hlan kum thum ah khan Bawipa nih Amoz fapa Isaiah cu, naa hrukmi khum puan le na kedan kha i phoih hna, tiah a rak ti. Bawipa nih a chimh bang cun, taklawng le kelawng in aa chawk.

2 SIANGPAHRANG 1:8

Annih nih an leh i, “Sahmul puan aa aih i a tai ah saphaw taisawm aa sawmh,” tiah an ti. Cun anih nih, “Tishbemi Elijah kha a si cu ta,” tiah a ti.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

MARKA 1:6

Johan cu kalauk hmul in tahmi hnipuan kha aa hruk i a tai ah saphaw taisawm aa sawmh, khaubawk le khuaihliti in aa cawm.

JEREMIAH 6:15

Annih nih hi fihnung a simi thil hna kha an tuah tikah an ning a zak maw? Zak hlah ee, an ning a zak hrimhrim lo; hmaisen zong kha an hngal lo. Cucaah a tlumi hna sinah an tlu ve lai; dan ka tat hna tikah an dih lai, tiah Bawipa nih a ti.

JEREMIAH 2:26

Mifir cu tlaih a si tikah a ning a zah bantukin Israel innchungkhar cu an ning a zak lai; Anmah le an siangpahrang hna le an bawi hna le an tlangbawi hna le an profet hna zong an ning a zak lai;

HEBRU 11:37

Lung in an cheh hna, hluah in cheu hnih ah an chuah hna, vainam in an thah hna. Tuu phaw le meheh phaw i aih in an vak hniapmap i hremnak le serhsatnak kha an ing.

JEREMIAH 8:9

Nan mifim hna cu ningzahnak an phan, An lung aa tuai i chikkhatte ah khulrang tein thil hngalh khawhnak fimnak an ngeihmi kha an thlau cang. Bawipa bia cu zei ah an rel ti lo, An fimnak cu zei bantuk fimnak dah a si?