ZEFANIAH 2:7 - Lai (Hakha) Common Language Bible 2006

⁷ Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

ZEFANIAH 2:7 Referans Kwoze

ZEFANIAH 3:20

Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

EZEKIEL 39:25

Cucaah hihi Bawipa Pathian bia cu an si: Atu cu Jakob vanṭhatnak kha ka kirter ṭhan lai i ka tlaihchan hna nak kha Israel mi vialte cungah ka langhter lai i ka min thiang kha ka ṭanh lai.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

LUKA 1:68

“Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

MIKAH 4:7

A tlaumi kha a tangmi bantukin ka kilkawi hna lai i Zohkhenh ti lomi kha a ṭhawngmi miphun ah ka ser hna lai, tiah Bawipa nih a ti. Bawipa cu Zion tlang cungah atu le zungzal in an siangpahrang a si lai.

MIKAH 2:12

“Sihmanhsehlaw nannih Israel mi a tangmi vialte cu hmunkhat ah kan pumh hna lai. Tuukawm kawm khat chung i a ummi bantuk le tlonnak pakhat chung i a tlongmi tuu bantukin hmunkhat ah kan pumh hna lai i, Nan ram ah cun mi tampi thawngpang a leng lai,” a ti.

OBADIAH 1:19

“Negeb i a ummi Israel mi nih Esau Tlang kha an co lai; Judah ram thlanglei i a ummi hna nih Filistin mi hna ram kha an lak lai; Israel mi hna nih Efraim le Samaria ram kha an co lai i Benjamin mi nih Gilead ram kha an co lai.

JEREMIAH 33:7

Judah le Israel cu an vanṭhatnak kha ka pek ṭhan hna lai i hmasa ah an rak sining te bantuk khan ka sak ṭhan hna lai.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

ROM 11:5

Cu bantuk ṭhiamṭhiam cun atu zongah hin a si: Pathian nih a zaangfah hna ruang i a thimmi tlawmte cu an um ve ko.

LAMKALTU 8:40

Filip cu Ashdod ah khan a hung chuak i Sisaria khua tiang khua kip ah aa chawk i Thawngṭha kha a chimh hna.

LAMKALTU 8:26

Bawipa vancungmi pakhat nih Filip cu a thawh i, “I tim law thlanglei ah vung kal law Jerusalem in Gaza ah a kalmi lam ah khan vung kal tuah,” a ti (Cu lam cu an hmang ti lo).

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

MIKAH 4:10

Nau nganfah a ing liomi nu bantukin vawlei ah i ngerh len tuah, Maw Zion fanu; Zeicahtiah atu cu hi khuapi hi na kaltak lai i ramlak ah na riak lai; Cuticun Babilon ah na ra lai. Khika ah khin khamh na si lai i khika ah khin Bawipa nih na ral hna kut chungin an luatter lai.

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 23:3

Ka tuu a tangmi hna cu ka dawinak hna ram kip khan keimah hrimhrim nih ka pumh ṭhan hna lai. Anmah le an inn cio ah ka ṭinpi ṭhan hna lai i an pungzam lai i an karhcho lai.

JEREMIAH 3:18

Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

SALM 85:1

Bawipa, na ram cu na zaangfah ko, Israel cu a kumvui na ṭhatter ṭhan.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

HAGGAI 2:2

Shealtiel fapa Zerubbabel, Judah ram uktu bawi, Jehozadak fapa Joshua, Tlangbawi Ngan, le midang hna cu a thawh hna i,

HAGGAI 1:12

Shealtiel fapa Zerubbabel, Jehozadak fapa Joshua Tlangbawi Ngan le a tangmi midang hna nih khan Bawipa an Pathian nih a chimmi cu an ngaih i Bawipa an Pathian nih profet Haggai kha a rak thlah tikah a chimmi kha an ngaih i Bawipa ruangah cun ṭihnak in an khat.

ZEFANIAH 2:9

Cucaah ka nunnak chalh in hi bia hi ka chim: Moab cu Sodom bantuk a si lai i Ammon cu Gomorrah bantuk a si lai, Belh pon, a thumi ram pon, zungzal ram car a si lai, tiah Bawipa, Israel Pathian nih a ti. Ka mi hna lak i a nungmi nih khan an ramh hna lai i Ka miphun chungin a tangmi hna nih khan an ram cu an co lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

RUTH 1:6

Cun a fapale nupi hna he khan tiah kir ṭhan awkah Moab ram khan aa thawh, zeitintiah Bawipa nih a mi kha a len cang hna i rawl a pek hna ti kha, Moab ram chung khan a theih.

SALM 80:14

Maw Lianngan Bik Pathian, kanmah leiah i mer ko! Vancung khin run kan zoh law ra law na mitsur ruang hi rung khamh ko.

ISAIAH 11:16

Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.

ISAIAH 32:14

Siangpahrang inn hmanh kha chuahtak a si lai i an ram chung khualipi kha zamtak a si lai. Ral vennak inn hna le umnak inn hna cu saram kua an si zungzal cang lai. Khika ah ramlak laa kha an i chawk lai i tuu kha an tlong lai.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

JEREMIAH 33:12

Mah hihi Ralkapbu Bawipa bia a si: Hi hmun le a khua vialte hna, a rawk i a ril komi, a chungah mi siseh, saram siseh an um lonak ah hin, tuukhal hna nih an tuu an pumh hnanak himnak hmun a um ṭhan lai.

JEREMIAH 47:5

Gaza cu kawng lakin meh a si cang, Ashkelon cu a rawk cang. Filistin mi a tangmi hna cu zei can dah an ṭah lai?

HOSEA 6:11

Cun nangmah ca zongah, maw Judah, biaceihnak caan kha a ra lio.

ZEFANIAH 3:13

Israel mi chungin a tangmi hna nih khan ahohmanh nih ṭhat lonak an tuah lai lo, lih zong an chim lai lo, hlennak bia kha an hmur in a chuak ti lai lo. Cun dai tein ramhring lakah khan an tlong lai i ahohmanh nih thinphang in an umter ti hna lai lo.

ISAIAH 11:14

Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.