TITAS 1:9 - Lai (Hakha) Common Language Bible 2006

⁹ Cawnpiaknak ahmaanmi aa tlaih pengmi a si lai, cuticun a bia a ngaitu pawl kha cawnpiaknak ṭha in an lung a thawhter khawh hna lai i cawnpiaknak ṭha a altu pawl kha an palhnak a langhter khawh lai.

Laibaibal Thiang (BSI)

⁹ cawnpiak a rak si cang bangin zumhtlâk bia fek tein â tlaihmi a si lai, cuticun a dikmi cawnpiaknâk in mi a chimhhrin khawh lai i elhnialtu kha an lung a pemter khawh lai.

TITAS 1:9 Referans Kwoze

2 THESALON 2:15

Cucaah cun u le nau hna, kan phungchimnak ah siseh, kan cakuatmi in siseh, kan in cawnpiakmi hna biatak chungah khan fek tein dir u law fek tein biatak cu i tlaih ko u.

2TIMOTE 1:13

Kan cawnpiakmi biatak kha fek tein i tlaih hna law na zulh awkah i chiah hna, cun Khrih Jesuh he kan i pehtlaihnak thawngin kan ta a simi zumhnak le dawtnak chungah khan um peng ko.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

TITAS 2:1

Sihmanhsehlaw nang nih cun cawnpiaknak a ṭhami kha na cawnpiak hna lai.

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

1THESALON 5:21

Zeizong vialte kha hneksak dih hna u: a ṭhami kha i chiah u law

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

JOB 2:3

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo. Amah cu zei ruang lo ah hrawh awkin na ka canghter cang nain, a tlinnak cu fek tein aa tlaih peng ko,” tiah a ti.

BIAPHUAN 3:11

Ka ra zau lai. Na ngeihmi kha ṭha tein i chiah, teinak laksawng na hmuh ding cu ahohmanh nih in chut hna hlah seh.

BIAPHUAN 2:25

Sihmanhsehlaw atu i nan ngeihmi kha ka rat tiang fek tein rak i tlaih ko u.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

1TIMOTE 4:9

Hika bia hi zumh awk tlakmi le cohlan awk tlakmi bia an si.

1TIMOTE 1:19

Mi a cheu cu an chiaṭha thleidannak kha zeirello in an um tawn caah an zumhnak kha an rawhter tawn.

LAMKALTU 18:28

Zeicahtiah bia al lei i a ṭhawn caah khan Judah mi cu zapi hmai i bia i al tikah a tei lengmang hna i Cathiang chung khan Jesuh cu Messiah kha a si, ti kha a langhter.

JOB 27:6

Ka bia a ding ti kha fek tein kaa tlaih lai i, ka thlah bal lai lo; Ka nun chung paohpaoh ahcun, kaa thleng bal lai lo.

1 KORIN 14:24

Asinain nan dihlak in Pathian bia tu nan chim ahcun, a zum lomi maw asiloah mi pakhatkhat maw a rung luh tikah a theihmi bia nih cun a lungthin kha a vun dahter lai i a sualnak kha a hngalhter lai.

2TIMOTE 3:14

Sihmanhsehlaw nang cu biatak kan cawnpiakmi ah khan dir law fek tein zum peng ko. Nangmah cawnpiaktu saya cu ahodah kan si kha na kan hngalh i