TITAS 1:14 - Lai (Hakha) Common Language Bible 2006

¹⁴ Judah mi hna tuanbia ṭukṭak le biatak a hlawmi hna nih an chuahpimi minung nawlbia kha zeihmanh ah an rel ti hna lai lo.

Laibaibal Thiang (BSI)

¹⁴ biatak mer takin Judah tuanbia le minung nawlpêkmi biapi ah a ruatmi hna bia kha zeiah rak rel hna hlah.

TITAS 1:14 Referans Kwoze

2TIMOTE 4:4

Biatak kha an kaltak lai i minung tuanbia tu kha ngaih an duh deuh lai.

KOLOSE 2:22

Hi phung hna hi cu, voi khat hman an si cang hnuah cun santlaihnak an ngei ti lo. Annih cu minung ser chommi phunglam le cawnpiaknak menmen an si.

2 PETER 2:22

An tuahsernak nih hin, “Uico nih cun a luak a ei ṭhan,” ti le, “Vok cu kholh hnuah nawncek ah aa bual ṭhan,” timi phungthlukbia kha an hmaanter ngaingai.

GALATI 4:9

Sihmanhsehlaw atu cu Pathian cu nan hngalh cang — atu cu Pathian nih an hngalh hna ka ti deuh awk tu a si — cucaah zeitindah kha a derthawmmi le san a tlai lomi thlarau hna leiah khan i mer ṭhan nan duh? Zeicahdah an sal si, i nolh ṭhan cu nan duh?

MATTHAI 15:9

Annih nih mi serchom nawlbia kha Pathian nawlbia bantukin an cawnpiak hna caah An ka biaknak hi zeihmanh a ṭhahnem lo,’ tiah Pathian nih a ti, tiah a rak chim,” tiah a ti.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

MARKA 7:7

Annih nih minung serchommi nawlbia kha Pathian nawlbia taktak bantukin mi an cawnpiak hna caah An ka biak hi an caah zeihmanh a ṭhahnem lo,’ a ti.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

TITAS 3:11

Cu bantuk mi cu an ruahnak ahmaan ti lo ti kha na hngalh i an palh ti cu an sualnak nih khan fiang tein a langhter ko.