ṬAHNAK HLA 5:19 - Lai (Hakha) Common Language Bible 2006

¹⁹ Maw Bawipa, nangmah cu zungzal in bawi na si ko, Na bawi ṭhutdan cu chan khat hnu chan khat a hmun.

ṬAHNAK HLA 5:19 Referans Kwoze

SALM 102:12

Sihmanhsehlaw Bawipa, nangmah cu siangpahrang na si zungzal ko; chan vialte nih an in philh lai lo.

SALM 45:6

Pathian nih an pekmi bawiṭhutdan cu zungzal in a hmun lai! Na ram cu dinnak in na uk;

SALM 145:13

Na pennak cu zungzal in a hmun lai i nangmah cu zungzal in siangpahrang na si lai. Pathian nih cun biakamnak a tuahmi kha zumhawktlak tein a zulh i a tuahmi thil paoh kha an ṭha dih.

SALM 9:7

Sihmanhsehlaw Bawipa cu zungzal in siangpahrang a si ko; biaceihnak tuah awkah a bawiṭhutdan cungah cun a ṭhu.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

HEBRU 13:8

Jesuh Khrih cu nizan le nihin le zungzal in amah ning a si ko.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

SALM 146:10

Bawipa cu zungzal in siangpahrang a si ko lai! Zion, na Pathian cu zungzal in uktu a si lai. Bawipa cu thangṭhat u!

SALM 90:2

Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

SALM 29:10

Rili thuk pipi kha Bawipa nih a uk hna, siangpahrang bantukin zungzal in a uk hna.

SALM 10:16

Bawipa cu zungzal in zungzal tiang siangpahrang a si i a ram chung hin lawkihmi cu an lo lai.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

JOHAN 1:38

Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

SALM 93:2

Bawipa, na bawiṭhutdan cu a hramthawk tein a fek i nangmah cu caan thawk hlan in na rak um cang.