ṬAHNAK HLA 3:57 - Lai (Hakha) Common Language Bible 2006

⁵⁷ Nangmah kha kan auh tikah ka pawngah na um; Nangmah nih, ‘Ṭih hlah,’ na ka ti.

ṬAHNAK HLA 3:57 Referans Kwoze

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

SALM 145:18

A autu vialte hna cu an pawng khin an umhnawh hna, lungtak in a autu vialte hna cu.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

LAMKALTU 18:9

Zan khat cu Paul nih cun langhnak a hmuh i cu ah cun Bawipa nih a thawh i, “Na thinphang hlah; chim lengmang ko, ngol lai cih,

JEREMIAH 1:17

Sihmanhsehlaw nang cu na lung ṭhawng ko, tho law nawl kan pekmi vialte kha chim hna. Annih ruangah na lung dong hlah, atu i na lung a dongh ahcun an hmaika i na um tikah na lung kaan donghter chinchin sual lai.

SALM 69:18

Ra ka zuanhnawh law ka khamh tuah; ka ral hna kut chungin ka chuah tuah.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

2 SIANGPAHRANG 19:6

Isaiah nih annih cu, “Nan bawipa sinah cun, ‘Hi bangin Bawipa nih: Assiria siangpahrang sal hna nih an ka zawmhtaihnak bia na theihmi caah na thinphang hlah.

SALM 138:3

Kan auh tikah na ka leh, na ṭhawnnak in na ka ṭhawnter.