SALM 99:5 - Lai (Hakha) Common Language Bible 2006

⁵ Bawipa kan Pathian cu thangṭhat u; a bawiṭhutdan hmaiah khan amah cu bia u, amah cu Mi Thiang a si.

Laibaibal Thiang (BSI)

⁵ BAWIPA kan Pathian cu hlawrh u law, a kehram in bia u amah cu a thiang.

SALM 99:5 Referans Kwoze

SALM 132:7

“Bawipa inn ah khan kal u sih, a bawiṭhutdan hmaiah khan amah cu bia u sih,” kan ti.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

SALM 108:5

Maw Pathian, na lianhngannak cu van ah khin langhter law na sunparnak cu vawleicung dihlak ah hin langhter ko.

SALM 34:3

Bawipa lianhngannak cu chim ṭi u si law a min cu thangṭhat ti u sih.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 12:4

Ni khatkhat cu mi nih hitin hla an sak ni a phan te lai: “Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

SALM 99:3

A lian a ngan i rumra a ngeimi a min cu mi vialte nih an thangṭhat lai. Amah cu Mi Thiang a si.

SALM 118:28

Nangmah cu ka Pathian na si i kan lawmh; na lianhngannak cu ka thanh lai.

SALM 107:32

A mi hna an i pumhnak ah khan a lianhngannak cu an chim awk a si i upa hna an i pumhnak ah khan amah cu an thangṭhat awk a si.

SALM 99:9

Bawipa kan Pathian cu thangṭhat u, a tlang cungah cun amah cu bia u. Bawipa kan Pathian cu Mi Thiang a si!

SALM 21:13

Bawipa, na ṭhawnnak he ra tuah. na ṭhawnnak cu hla in kan thangṭhat lai.

LEVITIKAS 19:2

“Hi bangin Israel mibu hna sinah va chim tuah; Nan thian awk a si, zeitintiah keimah, Bawipa nan Pathian cu ka thiang.

1 CHANRELNAK 28:2

Cun Siangpahrang David cu a dir i, “Ka unau hna le ka mi hna, ka bia ka ngai tuah u. Bawipa biakamnak kuang caah le kan Pathian ke chiahnak caah dinhnak inn pakhat kha sa ning law tiah ka lung chungin ka rak ti tawnmi a si i cu saknak caah cun timhtuahnak ka rak ngei.

HOSEA 11:7

Keimah cu an ka mertak cang i cu ruangah a chuakmi thil kha an hrial kho ti lai lo, An cung i an i khinhmi seihnam rit ruangah khan an ai len lai, sihmanhsehlaw ahohmanh nih an ṭhialpiak kho hna lai lo.