SALM 98:2 - Lai (Hakha) Common Language Bible 2006

² Bawipa nih cun ral a tei hnanak thawng kha a thanh i a khamhnak ṭhawnnak kha miphun vialte a hngalhter hna.

Laibaibal Thiang (BSI)

² BAWIPA nih a khamhnâk cu a hngalhter cang, a dinnâk cu miphunkip mithmuh ah a langhter.

SALM 98:2 Referans Kwoze

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

ISAIAH 62:2

Jerusalem, miphun hna nih, teitu na si kha an hmuh lai! An siangpahrang vialte nih na sunparnak kha an hmuh lai. Min thar in auh na si lai i cu min cu Bawipa hrimhrim nih an pek lai.

SALM 22:31

A chuak rih lomi minung kha, “Bawipa nih mi a khamh hna,” tiah an chimh hna lai.

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

ROM 9:30

A si ahcun zeitindah kan chim kun lai? Hitihin kan ti lai: Pathian he rem a rak i zuam lomi Jentail mi kha an zumhnak thawngin Pathian he an i rem cang;

LUKA 3:6

Cun minung phun paohpaoh nih Pathian khamhnak kha an hmuh lai,’ a ti,” tiah aa ṭialmi kha a hung tling.

MARKA 16:15

A thawh hna i, “Vawlei cung khuazakip ah va kal u law miphun kip kha thawngṭhabia va chim hna u.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

SALM 24:5

Bawipa nih thluachuah a pek hna lai i annih a khamhtu hna Pathian nih, nan sual lo, a ti hna lai.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.