SALM 95:5 - Lai (Hakha) Common Language Bible 2006

⁵ Amah nih a sermi rili kha a uk i amah nih a sermi vawlei zong kha a uk fawn.

Laibaibal Thiang (BSI)

⁵ Rili pi zong a sermi a si i amah ta a si, lei ram hna hi amah kut chuak a si.

SALM 95:5 Referans Kwoze

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

PHUNGTHLÛKBIA 8:29

Ti nih khan a nawlbia cu an buar nakhnga lo rili cu ri a serpiak hna; vawlei hram kha a hmelchunh tik ah khan,

PHUNGTHLÛKBIA 8:26

Vawlei le a chung i a ummi lo hna a ser hna hlan le Vawlei cung leidip hmasa bik a um hlanpi ah khan a ka ser diam cang.

SALM 146:6

amah nih cun van le vawlei le rili le an chung i a ummi thil vialte kha a ser hna.

SALM 33:7

Rili vialte kha hmunkhat ah a pumh hna; a thukmi rilipi cu thil khonnak inn chungah a khumh hna.

SALM 107:24

Bawipa nih a tuahmi thil kha an hmuh i rili cungah a tuahmi thil khuaruahhar kha an hmuh hna.