SALM 91:13 - Lai (Hakha) Common Language Bible 2006

¹³ Chiandeih le rul kha na lamh hna lai, chiandeih ṭih nungnung le rul sivai ṭhawngṭhawng kha na lamh chih len hna lai.

Laibaibal Thiang (BSI)

¹³ Chiandeih le rawchok kha na lamh hna lai i a ṭhawngmi chiandeih le rulpi zong nake tangah na chiah hna lai.

SALM 91:13 Referans Kwoze

LUKA 10:19

Ngai hmanh u: rul le tlangngaikuang hmanh lamh khawhnak ṭhawnnak le nan Ral ṭhawnnak tei khawhnak kan pek hna caah zeihmanh nih an ti kho hna lai lo;

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

MARKA 16:18

rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai,” tiah a ti.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

ROM 16:20

Cun Pathian, kan daihnak tihna nih cun, Satan kha nan ke tangah a rial tuan lai. Kan Bawipa Jesuh vel cu nan sinah um ko seh.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

SALM 58:4

Rul bantukin sivai an ngei, rawchok hnachet bantuk an si, zeihmanh an thei lo,

ROM 3:13

An kaa cu khar lomi thlan bantuk a si, An hmur in thihnak bia, rul sivai bantuk kha cat loin a chuak;

JOB 5:23

Lo chung lung hna nih cun hna an in hnawh lai lo i lo chung sahrang hna he cun rem tein nan um lai.