SALM 91:1 - Lai (Hakha) Common Language Bible 2006

¹ Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

Laibaibal Thiang (BSI)

¹ Cungnung bik ṭhutnâk hmun i a ummi hna cu Zeizongtuahkho thladêm ah an hmun lai.

SALM 91:1 Referans Kwoze

SALM 32:7

Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu hla in ka thangṭhat. Selah

SALM 27:5

Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

SALM 36:7

Maw Pathian, zeitluk in dah na dawtnak hi a sun! Na thla tangah mi nih dornak an hmuh.

SALM 17:8

A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

SALM 121:5

Bawipa nih an ven ko lai, nangmah huhphenh awkah na pawngin an umhnawh ko.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

SALM 90:1

Maw Bawipa, nangmah cu kan inn na si zungzal!

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

SALM 52:8

Sihmanhsehlaw kei cu Pathian inn pawng i a khomi oliv kung bantuk ka si; a fekmi a dawtnak cu zungzal in kaa bochan zungzal.

SALM 25:13

Nun nuam tein an um lai i an fale cu hi ram chungah hin him tein khua an sa lai.

SOLOMON HLA 2:3

Ka duh dah ngai a val hawi lakah hnak thlai rem, Hung lang ai ngai thing ṭha hmawng lakin epalte khi bang, Hei ei ning law a thladem tangah thlum riangmang tein.

EZEKIEL 11:16

Cucaah, mah hihi Bawipa bia an si, tiah chim hna: Miphun dang hna lakah ram hlapi ah ka ṭhawl hna i ram tampi ah ka ṭhek hna tikah, an va kalnak ram hna ah khan caan tlawmte cu an caah himnak hmun ka rak si. Cucaah mah hihi Bawipa Pathian bia cu an si, tiah chim hna:

ISAIAH 8:14

Ṭih a nungmi ka thiannak ruangah hin, mi nih an i chuih i an rilhnak lung bantuk ka si; Judah ram chung le Israel ram chung i a ummi hna le Jerusalem i a ummi hna a foihtu ding rap bantuk ka si.

BIACEIHTU 9:15

Cun hling nih cun thingkung hna cu, ‘Nannih nih lungthin tak tein nan siangpahrang ca i chiti nan ka thuh a si ahcun, ka thladem ah hin ra u law, rak i dor tuah u; sihmanhsehlaw cu bantukin a si lo ahcun, hlingbur chung cun mei chuak seh law, Lebanon sidar thing khi kangh dih hna seh,’ a ti hna.