SALM 90:8 - Lai (Hakha) Common Language Bible 2006

⁸ Kan sualnak cu na hmaiah na chiah hna, a thli tein kan sualnak cu na hmuh dih ko hna.

Laibaibal Thiang (BSI)

⁸ Kan sualpalhnâk kha na hmaiah na chiah i kan thuhmi sualnâk kha na hmai ceu ah langhter an si.

SALM 90:8 Referans Kwoze

JEREMIAH 16:17

Zeicahtiah ka mit nih an lam cu a hmuh dih ko hna i ka sin in an i thup lo, an ṭhat lonak zong hmu loin ka um lo.

PHUNGCHIMTU 12:14

Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

SALM 19:12

Ahohmanh amah sualnak aa hmu khomi an um lo; a thli tein ka tuahmi ka sualnak chungin ka thianh tuah.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

1JOHAN 3:20

kan lung nih sual kan phaw kun kaw Pathian cu kan lung nakin a ngan deuh i zeizong vialte kha a hngalh dih.

SALM 10:11

Miṭhalopa nih cun aa thawh i, “Pathian cu a zeihmanh a poi lai lo, a mit aa chinh i a ka hmu bal lai lo,” a ti.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

EZEKIEL 8:12

A ka thawh i, “Israel mi upa hna nih mui lak i an tuahmi khi na hmu maw? Anmah cio nih an i suaimi milem an chiahnak ah hmunthiang cio i an tuahmi khi? Annih nih cun Bawipa nih a kan hmu lo tiah an ruah i ram hi a hlawt cang, tiah an ruah.

PHUNGTHLÛKBIA 5:21

Zeicahtiah mi nih a zulhmi a lam vialte cu Bawipa nih a hmuh dih ko i Bawipa nih cun a lam vialte cu a zoh dih ko.

SALM 80:16

Kan ral nih mei in an khangh i an sam dih; na thinhun in zoh hna law hrawk hna.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

JOB 34:21

A mit in minung an lam cu a zoh i an kehlan vialte cu a hmuh dih.

LEVITIKAS 4:23

cu sualnak a tuahmi cu a hngalh ahcun, aa thawinak caah meheh pakhat, a pa dotla, a rak put lai.

LEVITIKAS 4:28

sualnak a tuahmi kha a hngalh tikah aa thawinak caah meheh pakhat, a nu dotla, a tuahmi a sualnak caah cun a rak put lai.

JOB 10:14

Sual seh law, a sualnak kha ngaihthiam duh loin umning, tiah na ka ngiat.

SALM 109:15

Bawipa nih an sualnak cu hngal zungzal ko seh, anmah belte philh dipdep si ko hna seh.

JEREMIAH 2:22

Cangal in naa kholh nain le chatpiat tampi na hmang nain, Na sualnak cu ka hmaiah a lang ṭhiamṭhiam ko, tiah Bawipa Pathian nih a ti.