SALM 90:16 - Lai (Hakha) Common Language Bible 2006

¹⁶ Kannih na sal rual hi khuaruahharmi thil na tuahmi cu kan hmuhter law kan tefa hna nih a liannganmi na ṭhawnnak cu hmu ve hna seh.

Laibaibal Thiang (BSI)

¹⁶ Na tuahmi kha na salle sinah langhter in na sunparnâk cu an fale sinah lang ko seh.

SALM 90:16 Referans Kwoze

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

SALM 44:1

Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

SALM 92:4

Bawipa, thil lianngan na tuahmi nih ka lung an ka lawmhter, na tuahmi thil ruangah cun lawmhnak in hla ka sa.

SALM 77:12

Na tuah ciami thil vialte kha ka ruat ṭhan hna lai i ka lung chungin ka tuaktan hna lai.

JOSHUA 23:14

“Cun, atu cu vawleicung vialte phung bangin ka kal ve cang lai. Nannih nih nan dihlak in, Bawipa nan Pathian nih nanmah kongah biakamnak a tuahmi thilṭha vialte lakah pakhat hmanh pakpalawng a can lo kha nan lungthin le nan ruahnak in nan hngalh; nannih caah a dihlak in a tling dih, pakhat hmanh a bau lo.

DEUTERONOMI 1:39

Cuhleiah nan ngakchia, hranchaw ah an cang lai nan timi hna le, atu ah chia le ṭha a hngal lomi nan fale hna cu, khika ah an lut lai i annih cu ka pek hna lai i annih nih an co lai.