SALM 90:10 - Lai (Hakha) Common Language Bible 2006

¹⁰ Kan chan cu kum sawm sarih a si ko, kan thazang a ṭhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.

Laibaibal Thiang (BSI)

¹⁰ Kan nunchung kum hna cu 70 a si, ṭhawnnâk ruangah kum 80 zong a si kho ko; asinain a saunâk cu thabâtnâk le ngaihchiatnâk men an si, an lo zau i kannih zong lolak in kan zuang tawn.

SALM 90:10 Referans Kwoze

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.

SALM 78:39

Minung an si kha a philh lo, a hung hrang i a lo ṭhan komi thlitu bantuk men an si kha a philh lo.

2 SAMUEL 19:35

Keimah cu nihin ah hin kum sawm riat ka si; zei hi dah a nuam i zei hi dah a nuam lo ti kha ka thleidan khawh ti maw? Na sal nih hin ka eimi siseh, ka dinmi siseh, a thawtnam hmanh ka theih khawh ti maw? Hlasami pa hna le hlasami nu hna an aw hoi hna kha ka ngaih khawh ti maw? Cu a si caah cun zeicahdah na sal cu siangpahrang ka bawipa caah aa chapmi thilrit ka si lai?

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

DEUTERONOMI 34:7

Moses cu a thih ah, kum za le kum kul a si; a mit a mui lo i a thazang zong a ṭum lo.

1 SIANGPAHRANG 1:1

David Siangpahrang cu a upa i a tar ngaingai cang; puan an vorh nain a khua a lum kho hlei lo.

JOB 24:24

Caan tawite chung miṭhalo cu hlorh an hung si, sihmanhsehlaw an lo zau; Pangpar bantukin an car i an ziam; rawl vui bantukin hleh an si.

JOB 14:10

Sihmanhsehlaw minung cu a thi i an vui, Mi nih cun a thaw hmanung bik a chuah i khuazei ah dah a um ti.

ISAIAH 38:12

Ka nunnak cu a cat i a dong, ṭhehmi thlam bantuk le thiamruak la cat bantuk a si. Pathian nih ka nunnak cu a donghter rua lai tiah ka ruah.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

JOB 20:8

Mang bantukin a lo lai, zan i langhnak hmuhmi bantukin a lo lai.

GENESIS 6:3

Cun Bawipa nih aa thawh i, “Minung hi zungzal in nun cu ka sianh hna lai lo, zeicahtiah titsa an si. Atu thawk in kum za le kum kul nak tam an nung ti lai lo,” a ti.

LEVITIKAS 27:7

Cun kum sawm ruk in a cunglei a si ahcun, a man na tuakning cu pa caah shekel hleinga a si lai i nu caah shekel pahra a si lai.

JOSHUA 14:11

Moses nih a rak ka thlah ni i ka ṭhawn tluk te khan nihin ni tiang ka ṭhawng ko rih; raldohnak caah siseh, kalnak caah siseh, ratnak caah siseh, atu i ka thazang cu kha lio i ka thazang bantuk kha a si ko.

2 SAMUEL 19:36

Na sal nih hin siangpahrang cu Jordan tiva ral ah khin tlawm tein ka hei in kalpi rih lai. Zeicahdah siangpahrang nih cu bantuk laksawng cun a ka lehrulh hnga?

JOB 5:7

Sihmanhsehlaw meici cu cunglei ah a choi phung a si bantukin, Minung cu harnak hmu dingin hrin a si.