SALM 9:20 - Lai (Hakha) Common Language Bible 2006

²⁰ Maw Bawipa, annih cu an thinphanter hna, minung menmen an si kha hngalhter hna. Selah

Laibaibal Thiang (BSI)

²⁰ Maw BAWIPA, miphun hna nih minung menmen an si kha an i hngalh khawh nâkhnga thinphânnâk ah chia hna. Selah

SALM 9:20 Referans Kwoze

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

SALM 76:12

a ruam a kaimi bawi kha a ṭhumh hna i siangpahrang nganngan kha therphang lengmang in a umter hna.

EZEKIEL 30:13

Mah hihi Bawipa Pathian bia cu a si: Nof khua bawi hna le siangpahrang hna cu an donghnak ka phakter hna lai i Izipt ram chungah siangpahrang pakhat hmanh a chuak ṭhan ti lai lo. Khi tikah khi ram chungah ṭihnak kha ka chiah lai i

EZEKIEL 28:9

Nangmah an thattu hna nih an in dir-onh tikah khan, Pathian ka si, na ti ko rih lai maw? Nangmah an thattu hna kut chungah chungah cun, pathian na si lo, minung na si ko.

DEUTERONOMI 2:25

Nihin ni hin, vanrang toi i a ummi vialte cungah nanmah ṭihnak le phannak chiah cu ka thawk lai i, annih nih nan thawngpang kha an theih lai i an ther lai i nanmah ruangah lungrethei in an um lai,’ tiah a ti.

EXODUS 23:27

“Nanmah an dotu hna nih khan keimah cu an ka ṭih lai; nanmah an tutu hna kha an cungah tuainak ka tlunter lai i nan ral vialte nih khan an hnulei an in chit hna lai i an in zamtak hna lai.

EZEKIEL 28:2

“Mipa, Tair bawi sinah cun va chim law, hihi Bawipa Pathian bia a si, va ti: Porhlawt ruamkainak in naa thawh i, ‘Kei cu pathian ka si, Rilipi cungah pathian bantukin bawiṭhutdan cungah ka ṭhu,’ na ti. Nang cu minung na si ko i pathian na si lo nain pathian tluk ah naa ruat.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

2 CHANRELNAK 14:10

Cun amah cu Asa nih a hei chuahhnawh ve i Mareshah i Zefathah nelrawn ah cun i doh awkah an i tiang.

SALM 3:8

Khamhnak cu Bawipa sinin a rami a si, Bawipa nih a mi cu thluachuah pe ko hna seh.”