SALM 89:1 - Lai (Hakha) Common Language Bible 2006

¹ Bawipa, a fekmi na dawtnak cu hla in ka sak zungzal ko lai i zumhawktlak na sinak cu ka chim thluangthluan ko lai.

Laibaibal Thiang (BSI)

¹ BAWIPA vêlngeihnâk cu zungzal in hla in ka sak lai, ka hmurkâ in zumhtlâk na sinâk cu chan vialte tiangin a chim lai.

SALM 89:1 Referans Kwoze

SALM 101:1

Ka hla cu dinnak le zumhawktlak sinak kong a si, cu hla cu kan sakpiak lai, Maw Bawipa.

SALM 119:90

Zumhawktlak na sinak cu chan vialte tiangin a hmun, vawlei cu a umnak ah na chiah i cuka ah cun a um peng ko.

ṬAHNAK HLA 3:23

Zing fate in an thar lengmang, Zumhtlak a sinak cu a lianngan hringhran.

SALM 89:8

Lianngan Bik Bawipa Pathian, ahohmanh nangmah tluk i a ṭhawngmi an um lo; zeizong vialte ah nang cu zumhawktlak na si, Bawipa;

SALM 89:33

Sihmanhsehlaw David dawt kha cu ka ngol lai lo, bia ka kamhmi zong kha ka tlolh lai lo.

SALM 36:5

Bawipa, a fekmi na dawtnak cu van a tawng i zumhawktlak na sinak cu van a phan.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

SALM 89:49

Maw Bawipa, hlanlio i na dawtnak na rak langhtermi hna kha khuazei ah dah an si dih? David bia na rak kamhmi kha tah, khuazei ah dah an um kun?

SALM 92:2

Hri tampi a ngeimi tingtang le thonglawi aw dawh he, a fekmi na dawtnak thangṭhat in zingfate in hlasak le zumhawktlak na sinak zanfate in thanh cu a nuam hringhranmi a si.

SALM 71:8

Chun nitlak in kan thangṭhat i na sunparnak cu ka chim.

SALM 89:24

Amah cu ka dawt zungzal lai i a cungah zumhawktlak in ka um zungzal lai; ral teinak kha ka pek zungzal lai.

SALM 59:16

Sihmanhsehlaw kei tu cu na ṭhawnnak kha hla in ka thangṭhat lai; zing fate in a fekmi na dawtnak kong kha hla in ka sa lai. Nangmah cu ka caah himnak na si, harnak caan ah dornak lungpi na si.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

SALM 88:11

A fekmi na dawtnak cu thlan chungah maw chim a si i zumhawktlak na sinak cu rawhralnak hmun ah cun dah chim a si?

1 CHANRELNAK 2:6

A nau Zerah fapa hna: Zimri, Ethan, Heman, Kalkol, le Dara, an dihlak ah panga.

1 SIANGPAHRANG 4:31

Zeitintiah amah cu midang vialte nakin a fim deuh, Ezrah mi Ethan le Mahol fapa hna Heman, Kalkol le Darda nakin a fim deuh; cun a min cu a pawngkam ram dihlak ah a thang.

1 SIANGPAHRANG 5:11

cun Solomon nih Hiram cu, a innchungkhar hna ca rawl ah changvut phorh thong kul le chiti phorh thong kul a pek. Solomon nih mah hihi kum khat hnu kum khat a pek lengmang.