SALM 85:2 - Lai (Hakha) Common Language Bible 2006

² Na mi hna an sualnak kha na ngaihthiam hna i an palhmi vialte kha na maimilh hna.

Laibaibal Thiang (BSI)

² Na mi le palhsualnâk zong na ngaihthiam cang hna, an sualnâk vialte na khuhpiak cang hna. (Selah)

SALM 85:2 Referans Kwoze

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

KOLOSE 2:13

Hlan ah cun nannih cu phung leng um Jentail mi nan si ca le nan sualnak ruangah, thlarau lei in a thimi nan rak si. Sihmanhsehlaw atu cu Khrih sinah Pathian nih an nunter cang hna. Pathian nih kan sualnak vialte cu a kan ngaihthiam.

SALM 32:1

A sualnak ngaihthiam a si i a palhnak maimilh a simi cu a lung aa lawm.

NAMBAR 14:19

A fekmi na dawtnak a ngan rup le hi mi hna cu Izipt ram in atu tiang na ngaihthiam hna bangin, hi mi hna an ṭhat lonak hi ngaithiam ko hna,” tiah a ti.

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

SALM 126:1

Bawipa nih Zion i a kan kirpi ṭhan ah khan, kan mang bantuk a rak si!