SALM 84:9 - Lai (Hakha) Common Language Bible 2006

⁹ Maw Pathian, kan siangpahrang cu thluachuahnak pe ko, nangmah nih na thimmi siangpahrang cu thluachuahnak pe ko.

Laibaibal Thiang (BSI)

⁹ Maw Pathian, kan phaw hi run zoh law, chiti na thuhmi mui hi run zoh hrâm ko.

SALM 84:9 Referans Kwoze

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

SALM 89:20

Ka sal David cu ka thim cang i nan siangpahrang ah ka ser cang.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

SALM 59:11

Annih cu that hna hlah, ka mi hna nih an philh sual ai hnga, na ṭhawnnak in ṭhek hna law hrawk hna, Maw Bawipa kannih kan phaw!

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

2 CHANRELNAK 6:42

Maw Bawipa Pathian, na chiti thuhmi cu hlaw hlah! Na sal David ca i a fekmi na dawtnak kha philh hlah,” tiah a ti.

2 SAMUEL 23:1

Cun mah hihi David bia hmanung bik cu an si: Jesse fapa David bia, sangpi ah cawimipa, Jakob Pathian chiti thuhmi, Israel mi hla dawh phuah thiamtu bia cu:

1 SAMUEL 16:6

Annih nih an rat tikah Eliab kha a zoh i, “Bawipa chiti thuhmi cu Bawipa hmai i a ummi hi a si hrimhrim ko,” tiah a ruah.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

SALM 17:1

Maw Bawipa, kan nawlnak a dingmi hi ngai tuah, nangmah bawmh hal in ka aunak hi ka theihpiak tuah. Ka chungah hlennak zeihmanh a um lo caah ka thlacamnak cu ka theihpiak ko.