SALM 84:2 - Lai (Hakha) Common Language Bible 2006

² Cuka i um cu ka duh hringhran! Bawipa biakinn chung tual cu ka ngai hna. A nungmi Pathian cu ka nunnak dihlak in hla in ka thangṭhat.

Laibaibal Thiang (BSI)

² Ka nunnâk nih BAWIPA biakinn tualrawn cu a ngai tuk hringhran, asi, a bât zong a ba dih, ka lungthin le ka thisa nih Pathian nung cu biatak tein a auh.

SALM 84:2 Referans Kwoze

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

SALM 119:81

Maw Bawipa, na khamhnak ka hngahnak ah hin ka ba tuk hringhran cang; na bia cu kaa bochanmi a si.

SALM 143:6

Nangmah leiah thlacam in ka kut cu ka hler hna; vawlei car nih ti a ngaih bantuk khin ka nunnak nih nangmah cu an ngai.

SALM 73:26

Ka pum le ka ruahnak cu zorchuk hna hmanh seh law Pathian kha ka thazang a si; amah lawnglawng kha ka herhmi cu a si ko.

SALM 119:20

Na biakhiahnak kha ka lung nih chun zan in a ngai ko.

SOLOMON HLA 5:8

Maw Jerusalem ngaknu leng rual hna, Ka dawt nunnem nan hmuh zawn ah cun, Zuun in a zaw ti in vung chim tawn ai u.

JOB 23:3

Amah cu khuazei ah dah a um ti kha hngal kho in, A umnak ah khan zeitindah fuh khawh a si hnga ti kha hngal ning law cu

ISAIAH 64:1

Zeicahdah van khi na run baoh ko lo i na rung ṭum ko lo? Tlang nih hin an in hmuh hnga i an in ṭih tuk ah a ther in an ther hnga.

NAMBAR 24:5

Maw Jakob, zeitluk in dah na thlam cu an i dawh, Maw Israel, zeitluk in dah na riahhmun hna cu an i dawh!