SALM 8:2 - Lai (Hakha) Common Language Bible 2006

² ngakchia le bawhte nih hla in an sak. Na ral hna khamkanhnak ah ralhruang na ser i, na ral le nangmah an huatu hna rak donhnak ah ralhau na ser.

Laibaibal Thiang (BSI)

² Bawhte hna le hnuk ding lio hmurkâ in a chuakmi in ṭhawnnâk na fehter, zeicatiah na ral hna ruangah phuhlamtu le ral na daihter khawh nâkhnga.

SALM 8:2 Referans Kwoze

MATTHAI 21:16

cucaah Jesuh cu, “An chimmi cu na thei maw?” tiah an ti. Jesuh nih cun, “Thei dah e! ‘Ngakchia tete hna le hnuktlai lio bawhte hna kha, na thangṭhatnak cu na chimter hna,’ tiah Cathiang chungah aa ṭialmi kha nan rel bal lo maw?” tiah a ti hna.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

1 KORIN 1:27

Vawlei nih zeihmanh ah a rel lomi thil Pathian nih a thim thengnak cu, mifim mi kha an ningzak seh tinak caah a si i vawlei nih a der tiah a timi thil a thim thengnak cu miṭhawng mi le thil ti khomi hna kha an ningzak seh ti caah a si.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

LUKA 10:21

Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

AMOS 5:9

Amah cu Firuk kha Fitlaw hnuah a chuahter i Mitsur thei a lotu timi arfi a chuah hnuah, Firuk kha a tlaktertu cu amah kha a si. Hi thil a tuahtu hi a min ah Bawipa a si.

SALM 4:4

Ṭihnak ngei u law nan sualnak kha ngol hna u; hi thil hi nanmah lawng tein nan inn khaan chungah thuk piin ruat tuah u. Selah

1 SAMUEL 2:9

“A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.

EXODUS 11:7

Sihmanhsehlaw Israel mi hna lakah cun uico nih minung siseh saṭil siseh a auh hna thawng hmanh a leng lai lo; cucaah Bawipa nih Izipt mi le Israel mi cu ka thleidan hna kha na hngalh lai,’ a ti,” tiah a ti.

SALM 57:6

Ka ral nih keimah foihnak ah sur rap an chiah, lungretheihnak nih a ka tei; ka kalnak lam ah khor an cawh, sihmanhsehlaw anmah tu an tla.

SALM 148:13

An dihlak in Bawipa min cu thangṭhat hna seh! A min cu min dang vialte nakin a ngan deuh; a sunparnak nih van le vawlei a lonh hna.

ISAIAH 6:3

Pakhat le pakhat kha an i chawn i, “A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih,” an ti.