SALM 79:5 - Lai (Hakha) Common Language Bible 2006

⁵ Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

Laibaibal Thiang (BSI)

⁵ BAWIPA, zeicandah na thin ahun zungzal ko lai? Na hnahchuahnâk cu mei bang a alh ko lai maw?

SALM 79:5 Referans Kwoze

SALM 89:46

Maw Bawipa, zei can dah naa thuh lai? Zungzal in maw naa thuh lai? Na thinhunnak cu mei bangin zei can dah a alh lai?

SALM 85:5

Kan cungah zungzal in maw na thin a hun ko lai? Na thin cu a dam bal lai lo maw?

SALM 74:1

Zeicahdah hitihin na kan hlawt, Maw Pathian? Na mi cungah hin zungzal in maw na thin a hun lai?

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

DEUTERONOMI 29:20

Bawipa nih a ngaithiam lai lo, sihmanhsehlaw Bawipa thinhunnak le nahchuahnak nih cu pa cu a khut lai i hi cauk chungah aa ṭialmi chiat vialte hi a cungah an tla lai i, Bawipa nih a min cu vanrang toi in a hloh lai.

EZEKIEL 36:5

Hihi Bawipa Pathian bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

SALM 80:4

Maw Lianngan Bik Bawipa Pathian, zeitik tiang dah na mi hna kan thlacamnak hi let duh loin na kan um lai?

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

ISAIAH 64:9

cucaah cun kan cungah fak tuk in na thinhung hlah, kan sualnak zong zungzal in i cinken sawh hlah. Kannih cu na mi kan si, kan zaangfah ko sawh.

SALM 103:9

Mawhchiat chih lengmang kha a hmang lo i thinhung zungzal in a um lo.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

DEUTERONOMI 32:16

Ram dang pathian hna in a nah an chuahter Fihnung an tuahnak in a thin an hunter.

SALM 6:4

Maw Bawipa, ka khamh tuah; na ka dawt caah thihnak chungin ka khamh tuah.

SALM 80:5

Mitthli hi ni fate kan ei awk rawl ah na ser i hrai nganpi khat in kan din awkah na kan chiahpiak ko.

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.