SALM 73:25 - Lai (Hakha) Common Language Bible 2006

²⁵ Vancung ah khin nangmah hlei in ahodah ka ngeih? Nangmah kan ngeih cang caah vawlei ah hin zeidah ka herhmi a um?

Laibaibal Thiang (BSI)

²⁵ Vancung ah khin nangmah lo cu ahodah ka ngeih? Vulei zong ah hin nangmah lo cu ka duhmi dang an um ti lo.

SALM 73:25 Referans Kwoze

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

SALM 16:2

Bawipa cu ka thawh i, “Nangmah cu ka Bawipa na si; thil ṭha ka ngeihmi vialte hi nangmah sinin ka hmuhmi an si,” ka ti.

SALM 63:3

A fekmi na dawtnak cu nunnak nakin a ṭha deuh, cucaah cun nangmah cu kan thangṭhat lai.

SALM 16:5

Nangmah dah ti lo cu ka ngeihmi dang zeihmanh a um lo, maw Bawipa, ka herhmi vialte cu nangmah nih na ka pek, ka nunnak cu na kut chungah a um.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

SALM 37:4

Bawipa kha i bochan u law nan lungthli tum kha an pek hna lai.

SALM 89:6

Bawipa, vancung i a ummi khi nangmah bantuk ahohmanh an um lo, pathian hna lakah hin ahohmanh nangmah tluk an um lo.

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

SALM 16:11

Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

MATTHAI 5:8

Lungthin a thiangmi cu lunglawmmi nan va si dah! Pathian kha nan hmuh lai.

SALM 17:15

Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.