SALM 73:13 - Lai (Hakha) Common Language Bible 2006

¹³ A si kun ahcun, thiang tein nun kaa zuam i ka kut in sualnak tuah lo kaa sum hi pakpalawng maw a si ko lai?

Laibaibal Thiang (BSI)

¹³ Zeihmanhlo ah ka lungthin ka rak thianter i ka kut thianter awkah ka rak ṭawl sawh sawh a si hi ta.

SALM 73:13 Referans Kwoze

SALM 26:6

Maw Bawipa, ka sual lo langhnak caah ka kha kaa ṭawl i nangmah biak awkah na biakṭheng velchum ah kaa chawk.

JOB 34:9

Zeicahtiah amah nih cun aa thawh i, ‘Pathian cung i i lawmh nih hin minung caah zeihmanh ṭhathnemnak a tuah lo,’ a ti.

JOB 21:15

Lianngan Bik cu an i thawh i, ‘Ahodah na si i na rian kan ṭuan hnga cu? Na sin i thla kan cam ah zei miaknak dah kan hmuh?’ an ti.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

MALAKHI 3:14

“Pathian biak hi zeihmanh ah a ṭhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu Bawipa sin i langhter hi zei ṭhathnemnak dah a um?” nan ti.

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

SALM 24:4

Tuahnak le lungthin in a thiang i siasal kha a bia lo i hlennak biakam a tuah lomi kha an kai kho lai i an lut kho lai.

JOB 9:31

Nawncek chungah cun na ka thlak ṭhiamṭhiam ko lai i Keimah ka thilthuam lila nih fihnung ah an ka ser ding a si ko.

JOB 9:27

Ka phunzainak hi ka philh lai i Ngaihchia muihmai ka putmi hi ka hlawt lai i Lunglawm in ka um lai, ka ti ah,

JOB 9:29

Sualphawt ka si ko ding ṭung ah cun, Zeicahdah pakpalawng in ka ṭuan len ko lai?