SALM 66:2 - Lai (Hakha) Common Language Bible 2006

² A sunglawimi a min kha hla in thangṭhat u, sunparnak in thangṭhat u.

Laibaibal Thiang (BSI)

² Amin upat in hla sa u; sunglawi ngai in thangṭhat u.

SALM 66:2 Referans Kwoze

BIAPHUAN 5:13

Cun vancung i a ummi le vawlei cung i a ummi le vawlei toi i a ummi le rili chung i a ummi thilnung vialte nih, “Bawiṭhutdan cung i a ṭhumi le Tuufa cu, thangṭhatnak, upatnak, sunparnak le ṭhawnnak kha, An cungah zungzal in zungzal tiang um ko seh,” tiin hla an sak kha ka theih.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

ISAIAH 42:12

Lamhlatpi ram i a ummi nih Bawipa cu thangṭhat hna seh law sunparnak pe hna seh.

SALM 107:22

Raithawinak in an lawmh awk a si i a tuahmi thil vialte kha lunglawmhnak hla in an thanh awk a si.

NEHEMIAH 9:5

Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangṭhat: “Dir u law Bawipa nan Pathian cu ‘Zungzal in zungzal tiang, sunparnak na min cu thangṭhat a si i thangṭhatnak vialte le hlorhnak vialte nakin a cungnung deuh.

SALM 107:15

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 106:2

Aho nih dah thil lianngan a tuahmi vialte cu a chim cawk lai? Aho nih dah zaa lak in an thangṭhat khawh lai?

SALM 79:9

Na min upatnak ding caah kan bawm tuah, Maw Pathian kan Khamhtu; kan chuah law kan sualnak cu kan ngaithiam ko.

SALM 72:18

Bawipa Israel Pathian cu thangṭhat ko u, amah lawnglawng cu, hi thil khuaruahhar a tuah khotu a si.

ISAIAH 6:3

Pakhat le pakhat kha an i chawn i, “A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih,” an ti.

SALM 68:33

Van a citmi, a hlunmi van aa citmi cu thangṭhat u. Aw thang piin a au cu ngai tuah u.