SALM 59:9 - Lai (Hakha) Common Language Bible 2006

⁹ Maw a ka Vengtu, nangmah nih na ka huhphenh; Maw Pathian, nangmah cu ka ralhruang na si.

Laibaibal Thiang (BSI)

⁹ Maw aka ṭhawntertu, kan hngah zungzal lai, zeitintiah Pathian cu ka himnâk a si.

SALM 59:9 Referans Kwoze

SALM 9:9

Hremnak a ingmi hna caah Bawipa cu himnak hmun a si i harnak caan ah ralhruang fek a si.

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 59:17

Maw a ka Vengtu, nangmah cu kan thangṭhat lai; Pathian cu ka ralhruang na si, a ka dawtu Pathian cu ka himnak na si.

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

HABAKKUK 3:19

Bawipa Pathian cu ka ṭhawnnak hram a si, Ka ke cu sazuk ke bantukin a khul a ranter hna i tlang sang cungah khan a ka hruai.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

ISAIAH 58:14

ka rian nan ṭuannak chungin a chuakmi lawmhnak kha nan hmuh lai. Vawleicung mi vialte kha nanmah cu kan upatter hna lai i nan pu Jakob ka pekmi ram kha nanmah nih nan co lai. Hi bia cu Bawipa nih ka chim,” tiah a ti.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 20:1

Harnak na ton ni ah Bawipa nih in let ko seh. Jakob Pathian nih in huppheng ko seh!

SALM 2:4

Bawipa nih vancung i a bawiṭhutdan cung khin a run nih hna i capo ah a saih hna.