SALM 59:2 - Lai (Hakha) Common Language Bible 2006

² Miṭhalo hna kut chung hin ka khamh law lainawng hna kut chung hin ka chuah tuah.

Laibaibal Thiang (BSI)

² Palhnâk tuahtu hna sinin ka khamh law, thisen chuah a hmangmi hna sinin ka khamh ko sawh.

SALM 59:2 Referans Kwoze

SALM 139:19

Maw Pathian, miṭhalo kha cu that ko hna, ti ka duh. Mipuarhrang pawl nih hin ka kaltak hna seh, ti ka duh hringhran ko.

SALM 26:9

Misual hna sinah ka thah chih hlah, lainawngmi hna sinah ka hlonh chih hlah —

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

SALM 27:2

Miṭhalo nih an ka doh i thah an ka zalh tikah, an ril tawn i an tlu tawn.

SALM 7:2

Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?