SALM 49:15 - Lai (Hakha) Common Language Bible 2006

¹⁵ Sihmanhsehlaw kei cu Pathian nih a ka khamh lai; thihnak ṭhawnnak chungin a ka chuah lai.

Laibaibal Thiang (BSI)

¹⁵ Asinain ka nunnâk tu cu Pathian nih thlân ṭhawnnâk chungin a tlanh lai, zeitintiah a rakka cohlân lai. (Selah)

SALM 49:15 Referans Kwoze

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

SALM 56:13

zeicahtiah nangmah nih thihnak chungin na ka chuah i ka ke kha rilhnak chungin na khamh. Cucaah Pathian hmaika ah cun kaa chawk i minung cungah a ceumi a ceunak chungah cun ka um.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

SALM 89:48

Ahodah thi loin a nung zungzal kho lai? Zeitindah mi nih cun thlan cu a hrial khawh lai? Selah

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

GENESIS 5:24

Enok cu a nun chung dihlak Pathian he tlongleng ṭi in a nung i Pathian nih a lak caah a um ti lo.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

JOHAN 14:3

Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

LUKA 23:46

Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat.

SALM 31:5

Nangmah kut chungah ka thlarau ka chiah, Bawipa, nangmah nih na ka khamh lai, nang cu zumhawktlakmi Pathian na si.

BIAPHUAN 14:13

Cun vancung in aw pakhat ka theih i, “Hihi ṭial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianṭuanmi nih khan a zulh hna lai i rian an ṭuannak cun an i din cang lai,” tiah a leh.