SALM 49:14 - Lai (Hakha) Common Language Bible 2006

¹⁴ Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

Laibaibal Thiang (BSI)

¹⁴ An thihnâk hmun lei ah kalpimi tuu bantuk an si; thihnâk nih a rak cawm hna lai; Midik hna nih khua a dei tikah an uk hna lai; an umnâk hmun in a hlatnâk hmun ah, an taksa dawhnâk hna cu thlân ah a ciam dih lai.

SALM 49:14 Referans Kwoze

MALAKHI 4:3

Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

1 KORIN 6:2

Vawlei hi Pathian mi hna nih bia an ceih lai ti kha nan hngal lo hlah maw? Vawlei hmanh hi a bia a ceihtu ding nan si ahcun, thil hme tete cu nan ceih kho lo maw?

DANIEL 7:22

Cun zungzal in a nungmi nih cun biakhiahnak kha Cung Nung Bik mithiang hna ca i a ṭha lei in a tuah i mithiang mi hna nih cun siangpahrang ṭhawnnak an hun hmuh caan kha a hung phan.

JOB 30:23

Minung a simi paohpaoh ca i na chiahmi hmun, thihnak ah cun na ka kalter lai ti kha ka hngalh.

ROM 8:36

Cathiang nih, “Nangmah ruangah chun nitlak thah hrulh lengmang in kan um; thah awk i kalpimi tuu bantukin an kan tuah,” tiah a ti bantuk khan a si.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

DANIEL 7:18

Sihmanhsehlaw Cung Nung Bik mithiang hna nih cun siangpahrang ṭhawnnak kha an hmuh lai i zungzal in an i ngeih lan lai,” tiah a ti.

SALM 39:11

Minung cu a sualnak kha dantat awkah na sik tikah. a iang vialte kha a lo dih, minung hi thaw menmen a si taktak ko. Selah

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

JEREMIAH 12:3

Sihmanhsehlaw maw Bawipa, nangmah nih na ka hngalh i ka tuahmi cu na hmuh ko, Zeitluk in dah kan dawt kha nangmah nih fiang tein na hngalh ko. Hi mi ṭhalo hna hi, thah awkah kalpimi tuu hna bantukin kalpi hna law Thah ni caah a dang in chia ko hna.

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

SALM 47:3

Mi kip kha kan tangah a chiah hna i miphun hna uknak kha a kan pek.

SALM 44:11

Tuu an thah hna bantukin an kan thah i ram dang ah na kan ṭhek dih.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

JOB 21:26

Leidip chungah bangrep in an it i cangcel nih an khuh hna.

JOB 21:13

Rumnak in an chan cu an hman i daihnak in Sheol ah cun an vung kal.

JOB 4:21

An thlam hri cu an lakin cat lakin hnuh a si ahcun, Fimnak ngei loin an thi men ko lo maw?