SALM 49:11 - Lai (Hakha) Common Language Bible 2006

¹¹ Thlan cu zungzal in an umnak ding hmun a si ko lai i cuka ah cun a zungzal in an um ko lai. Hmun le ram kha an rak ngei ko lai nain an chaw le an va cu midang sin i an kaltak a hau ṭhiamṭhiam ko lai.

Laibaibal Thiang (BSI)

¹¹ An chunglei in an inn kha zungzal nguh ding ah an ruah, an umnâk hmun hna cu chan vialte caah an ruah tawn; an ram hna cu anmah min kha an putter hna.

SALM 49:11 Referans Kwoze

GENESIS 4:17

Kain nih a nupi cu a hngalh i fa a pawi i fapa pakhat a hrin i a min ah Enok a sak. Cun Kain nih cun khua pakhat a ser i cu khua cu a min ah a fapa min chuankhan in Enok a sak.

SALM 64:6

Ṭhatlo tuahnak ding khua cu an khan i “Ṭhatlo tuahnak ding khua kan khanmi cu a ṭha tuk,” an ti. Minung lungthin le ruahnak hi khuaruahharmi thil thuk a si hrimhrim ko.

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

EZEKIEL 38:10

Hihi Bawipa Pathian bia cu a si: Khi caan ah cun ruahnak pakhat na lu chungah a lut lai i ṭhat lonak khua na khan lai.

SALM 10:6

Amah le amah cu, “Ka sung bal lai lo; harnak ka tong bal lai lo,” aa ti.

2 SAMUEL 18:18

Cun Absalom nih khan a nun lioah Siangpahrang Nelrawn ah khan lungphun pakhat a rak i ser i, “Ka min hngalh camcin a si nakhnga caah fapa ka ngei lo,” a ti i cucaah cu lungphun cu amah min a rak i sak i nihin ni tiang hin mah cucu Absalom Lungphun, tiah ti a si.

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

LUKA 11:39

Cucaah Bawipa nih cun amah cu a thawh i, “Nannih Farasi mi nih kheng le hrai kha a lenglei cu nan ṭawl tawn hna, sihmanhsehlaw a chunglei ah cun hakkauhnak le ṭhat lonak in nan khat.

1 SAMUEL 15:12

Cun Samuel cu Saul kha zinglei i ton awkah tuan tein a tho, cun Samuel kha an chimh i, “Saul cu Karmel ah a ra, cun zohhmanh, amah caah hngalh camcinnak lung aa phun i aa mer i a lan i Gilgal ah a vang kal,” tiah an ti.

DEUTERONOMI 3:14

Manasseh phunmi Jair nih Argob ram vialte cu a lak dih, mah cucu Bashan kha a si, Geshur mi hna le Maakath mi hna ramri tiang khan; cun khuate hna cu amah min a sak hna i tu chan tiangin Havvoth-jair tiah ti a si.)

SALM 39:7

Cu ti a si caah cun, Bawipa, zeidah kaa ruahchan khawhmi a um? Nangmah lawnglawng hi kaa ruahchanmi na si.

PHUNGCHIMTU 2:14

Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat ṭhiamṭhiam ko lai ti kha ka hngalh ṭhan.

PHUNGCHIMTU 2:21

Na fimnak vialte le na hngalhnak vialte le na thiamnak vialte kha hmang in thil pakhatkhat na tuah i cucu zeihmanh a tuah ṭung lo mipa caah khan na kaltak ko. Cucu pakpalawng a si i ahmaan zong ahmaan lo.