SALM 46:9 - Lai (Hakha) Common Language Bible 2006

⁹ Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

Laibaibal Thiang (BSI)

⁹ Amah nih raldohnâk kha vanhram deng tiangin a donghter tawn i thal kha a khiah, fei kha a tan i lêng kha mei in a khangh dih hna.

SALM 46:9 Referans Kwoze

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

MIKAH 5:10

Khi ni ah cun nan rangtum vialte hna le nan rangleng vialte hna cu ka hrawh dih hna lai.

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

1 SAMUEL 2:4

A ṭhawngmi an likuk cu an kiak, Sihmanhsehlaw a derthawmmi nih thazang an i hruk.

JOSHUA 11:9

Cun Bawipa nih a fial bantukin Joshua nih an cungah a tuah; an rang kha an tha an pheh hna i an rangleng kha mei in a khangh hna.

EZEKIEL 39:3

Na kehlei kut i likuk cu ka tuk lai i na orhlei kut i cantiang cu ka den dih hna lai.

JOSHUA 11:6

Cun Bawipa nih Joshua cu a chawnh i, “Annih kha ṭih hna hlah, zeicahtiah thaizing atu tikah hin an dihlak in thah cia in Israel mi sinah ka pek hna lai; an rang cu an tha nan pheh hna lai i an rangleng cu mei in nan khangh hna lai,” tiah a ti.

SALM 66:5

Ra u law Pathian nih a tuahmi thil hi zoh hna hmanh u, minung sinah a tuahmi thil khuaruahhar hi zoh hna hmanh u.

ISAIAH 10:23

Bawipa Ralkapbu hna Pathian nih ka tuah lai tiah a chim bangin, ram chung dihlak ah cun rawhralnak cu a tlung ko lai.