SALM 46:11 - Lai (Hakha) Common Language Bible 2006

¹¹ Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

Laibaibal Thiang (BSI)

¹¹ Ralkapbu BAWIPA cu kan sinah a um; Jokob Pathian cu kan himnâk a si. (selah)

SALM 46:11 Referans Kwoze

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

SALM 48:3

Pathian cu a chungah a um caah a ralhau chungah khan himnak a um.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

2 CHANRELNAK 20:6

“Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

2 CHANRELNAK 33:13

Amah sinah khan thla a cam i Pathian nih a nawlnak kha a cohlan i a thlacamnak kha a theih i amah ram Jerusalem ah khan a kirpi ṭhan. Khi tikah Manasseh nih Bawipa cu Pathian a si kha a hngalh.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i