SALM 45:3 - Lai (Hakha) Common Language Bible 2006

³ A ṭhawngmi siangpahrang, na vainam kha i bei tuah; nang cu a ṭhawngmi le a liannganmi siangpahrang na si.

Laibaibal Thiang (BSI)

³ Maw a ṭhawngmi, na vainam cu na taiah somh law, na sunparnâk le na lianhngannâk he.

SALM 45:3 Referans Kwoze

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

BIAPHUAN 1:16

A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu.

BIAPHUAN 19:15

A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.

ISAIAH 49:2

Ka bia cu vainam bantukin a harter, a kut hrimhrim in a ka huhphenh. Cantiang bantuk ah a ka ser i a thalbawm chungah a ka sanh.

SALM 96:6

Sunparnak le rumra cu a velchum ah an um i lianhngannak le dawhnak cu a biakinn chungah an um.

SALM 21:5

Nangmah nih na bawmh caah a sunparnak cu a ngan, minthannak le lianhngannak na pek,

BIAPHUAN 19:21

Rang aa citmi kaa chungin a chuakmi vainam nih an ralkap vialte cu a thah dih hna i an sa cu va vialte nih an i serh.

JUDAS 1:25

kan Pathian le kan Khamhtu cungah cun, a liam ciami caan vialte in atu caan in zungzal caan tiang, kan Bawipa Jesuh Khrih thawngin, lianhngannak le sunparnak le ṭhawnnak le nawlngeihnak cu, um zungzal ko seh! Amen.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

ROM 14:9

Zeicahtiah Khrih a thih i a thawh ṭhan cu a nungmi he a thimi he an Bawi si awkah a si.

SALM 145:12

Cucaah mi vialte nih thil khuaruahhar na tuahmi kha an hngalh lai i na pennak a sunpar ning le a lianhngan ning kha an hmuh lai.

SALM 145:5

Mi nih na sunparnak le lianngannak kha an chim lai, kei nih thil khuaruahhar na tuahmi kha ka ruat hna lai.

SALM 104:1

Maw ka nunnak, Bawipa cu thangṭhat tuah! Bawipa ka Pathian, zeitluk in dah na lianhngan! Sunparnak le lianhngannak in naa thuam i

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

BIACEIHTU 3:16

Cun Ehud nih cun kap hnih har nam, dong khat a saumi cu aa ser i a puan tangah a orhlei phei ah aa thlaih.

JOB 1:16

Cun bia a chim lengmang lioah cun a dang pakhat a ra i, “Pathian mei cu van in a rung tla i tuu le sinum kha a kangh hna i a thah hna; keimah lawnglawng hi nangmah chimtu dingah ka luat,” tiah a ti.

SALM 21:7

Siangpahrang nih Cung Nung Bik cu aa bochan i Bawipa dawtnak a fekmi thawngin siangpahrang a si zungzal lai.

SOLOMON HLA 2:3

Ka duh dah ngai a val hawi lakah hnak thlai rem, Hung lang ai ngai thing ṭha hmawng lakin epalte khi bang, Hei ei ning law a thladem tangah thlum riangmang tein.

SOLOMON HLA 5:13

A bel hna cu rimhmui kung ciinnak si maw rimhmui an chuahter; A hmur hna nih mura rimhmui dor in tla, Lili par dawh bang si ai.